dekhaa jo main ne naama-e-aa'maal hashr mein — Mohammad Baqar Shams

dekhaa jo din ko us ne su-e-charkh-e-be-madaar
sonaa utar gayaa varaq-e-aaftaab kaa

kuchh na puchho daraazi-e-shab-e-hijr
kaT gai 'umr aur sahar na hui

qaabu mein rakkhe ablaq-e-lail-o-nahaar ko
dekhaa na main ne aisaa kisi shahsavaar ko

muskuraahaT lab-e-naazuk pe nigaahein nichi
kis se sikhaa hai ye andaaz dil-aaraai kaa

khaak ke zarron se uf uf ki sadaa aati hai
meraa afsaana-e-gham qissa-e-maazi na huaa

khauf-e-mahshar na rahaa dil mein jo dekhaa main ne
pusht par mere gunaahon ke hai rahmat us ki

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

koi tum mein yazid aur shabbir hai kis ki taqsir hai
log kahne lage shahr ko karbalaa shahr vaalo suno

main hisaar-e-zulmat-e-shab mein huun jo bhaTak rahaa huun gali gali
mujhe tirgi se gilaa nahin mujhe raushni ki talaash hai