bahaknaa meri fitrat mein nahin par — Muzaffar Abdali

ret par ik nishaan hai shaayad
ye hamaaraa makaan hai shaayad

rah-guzar kaa hai taqaazaa ki abhi aur chalo
ek ummid jo manzil ke nishaan tak pahunchi

kashtiyaan likhti rahein roz kahaani apni
mauj kahti hi rahi zer-o-zabar main hi huun

khudaa bhi kaisaa huaa khush mire qarine par
mujhe shahid kaa darja milaa hai jiine par

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

husn-e-aaraasta qudrat kaa atiyya hai magar
kyaa miraa ishq-e-jigar-soz khudaa-daad nahin

tah mein dariyaa-e-mohabbat ke thi kyaa chiiz 'aziz'
jo koi Duub gayaa us ko ubharne na diyaa

tum agar chaaho to miTTi se abhi paidaa hon phuul
main agar maangun to dariyaa bhi na de paani mujhe

kahin na thaa vo dariyaa jis kaa saahil thaa main
aankh khuli to ik sahraa ke muqaabil thaa main

paani mein aks aur kisi aasmaan kaa hai
ye naav kaun si hai ye dariyaa kahaan kaa hai