Nazeer Baaqri

"aa gaya yaad unhen apne kisi gham ka hisab hansne valon ne mire ashk jo gin ke dekhe"

"khuub ga.e pardes ki apne divar-o-dar bhuul ga.e shish-mahal ne aisa ghera miTTi ke ghar bhuul ga.e"

"khaDa huun aaj bhi roTi ke chaar harf liye saval ye hai kitabon ne kya diya mujh ko"

"is liye chal na saka koi bhi khanjar mujh par meri shah-rag pe miri maan ki dua rakkhi thi"

"zakhm kitne tiri chahat se mile hain mujh ko sochta huun ki kahun tujh se magar jaane de"

"yaad nahin kya kya dekha tha saare manzar bhuul ga.e us ki galiyon se jab lauTe apna bhi ghar bhuul ga.e"

is liye chal na sakaa koi bhi khanjar mujh par
meri shah-rag pe miri maan ki duaa rakkhi thi

main ne duniyaa chhoD di lekin miraa murda badan
ek uljhan ki tarah qaatil ki nazron mein rahaa

khaDaa huun aaj bhi roTi ke chaar harf liye
savaal ye hai kitaabon ne kyaa diyaa mujh ko

zakhm kitne tiri chaahat se mile hain mujh ko
sochtaa huun ki kahun tujh se magar jaane de

apni aankhon ke samundar mein utar jaane de
teraa mujrim huun mujhe Duub ke mar jaane de

khuub gae pardes ki apne divaar-o-dar bhuul gae
shish-mahal ne aisaa gheraa miTTi ke ghar bhuul gae