Raaz Muradabadi

jaise nizam-e-dahr pe ho dastaras unhen
zulfen khuli udhar ki idhar raat ho ga.i

har ik shikast-e-tamanna pe muskurate hain
vo kya karen jo musalsal fareb khate hain

kisi ke vada-e-sabr-azma ki khair ki ham
ab e'tibar ki had se guzarte jaate hain

hashr tak ab koi parde men rahe
ham hi mansur hue jaate hain

taghaful ik hasin dhoka hai naseh
mohabbat azma.i ja rahi hai

rang-o-bu ke parde men kaun ye khiraman hai
har nafas mo.attar hai har nazar ghazal-khvan hai

vo kyaa chhuTe hayaat ke 'unvaan badal gae
duniyaa samajh rahi hai abhi ji rahaa huun main

dil ki be-kaifiyon ko kyaa kiije
fasl-e-gul hai magar bahaar nahin

khud kiyaa tark-e-ta'alluq ham se
khud hi ranjur hue jaate hain

allah-re iltifaat-o-nadaamat ki saazishein
nazrein milin talaafi-e-maafaat ho gai

rukte nahin hain paa-e-jihat-aashnaa kahin
manzil bhi ek sang-e-nishaan rah-guzar mein hai

miri samt manzil ko baDhte jo dekhaa
miraa saath chhoDaa mire rahnumaa ne