dil ki be-kaifiyon ko kyaa kiije — Raaz Muradabadi

vo kyaa chhuTe hayaat ke 'unvaan badal gae
duniyaa samajh rahi hai abhi ji rahaa huun main

khud kiyaa tark-e-ta'alluq ham se
khud hi ranjur hue jaate hain

allah-re iltifaat-o-nadaamat ki saazishein
nazrein milin talaafi-e-maafaat ho gai

rukte nahin hain paa-e-jihat-aashnaa kahin
manzil bhi ek sang-e-nishaan rah-guzar mein hai

kisi ke vaada-e-sabr-aazmaa ki khair ki ham
ab e'tibaar ki had se guzarte jaate hain

miri samt manzil ko baDhte jo dekhaa
miraa saath chhoDaa mire rahnumaa ne

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

kyaa koi dil lagaa ke kahe sher ai 'qalaq'
naaqadri-e-sukhan se hain ahl-e-sukhan udaas

sitam vo tum ne kiye bhule ham gila dil kaa
huaa tumhaare bigaDne se faisla dil kaa

chheDaa agar mire dil-e-naalaan ko aap ne
phir bhuul jaaiyegaa bajaanaa sitaar kaa