Shah Naseer

"pistan ko tere dekh ke miT jaa.e phir hubab dariya men ta-ba-sina agar tu naha.e sub.h"

"juun mauj haath mariye kya bahr-e-ishq men sahil 'nasir' duur hai aur dam nahin raha"

"kam nahin hai afsar-shahi se kuchh taj-e-gada gar nahin bavar tujhe mun.im to donon tol taaj"

"ka.abe se gharaz us ko na but-khane se matlab ashiq jo tira hai na idhar ka na udhar ka"

"ai khal-e-rukh-e-yar tujhe Thiik banata ja chhoD diya hafiz-e-qur.an samajh kar"

"mushkil hai rok ah-e-dil-e-daghdar ki kahte hain sau sunar ki aur ik luhar ki"

ai khaal-e-rukh-e-yaar tujhe Thiik banaataa
jaa chhoD diyaa haafiz-e-quraan samajh kar

ghurur-e-husn na kar jazba-e-zulekhaa dekh
kiyaa hai ishq ne yusuf ghulaam aashiq kaa

mullaa ki dauD jaise hai masjid talak 'nasir'
hai mast ki bhi khaana-e-khummaar tak pahunch

ishq hi donon taraf jalva-e-dildaar huaa
varna is hiir kaa raanjhe ko rijhaanaa kyaa thaa

vasl ki raat ham-nashin kyunki kaTi na puchh kuchh
barsar-e-sulh mein rahaa us pe bhi vo laDaa kiyaa

dilaa us ki kaakul se rakh jama khaatir
pareshaan se haasil kab ik daam hogaa