dilaa us ki kaakul se rakh jama khaatir — Shah Naseer

tire hi naam ki simran hai mujh ko aur tasbih
tu hi hai vird har ik subh-o-shaam aashiq kaa

gale mein tu ne vahaan motiyon kaa pahnaa haar
yahaan pe ashk-e-musalsal gale kaa haar rahaa

aataa hai to aa vaada-faraamosh vagarna
har roz kaa ye lait-o-laal jaae to achchhaa

mere naale ke na kyuun ho charkh-e-akhzar zer-e-paa
khutba khvaan-e-ishq hai rakhtaa hai mimbar zer-e-paa

mushkil hai rok aah-e-dil-e-daaghdaar ki
kahte hain sau sunaar ki aur ik luhaar ki

puchhne vaalon ko kyaa kahiye ki dhoke mein nahin
kufr o islaam haqiqat mein hain yaksaan ham ko

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

toD kar kaabe ko masjid na banaao zaahid
khaana-barbaad kisi dil hi mein kar ghar paidaa

pechidgi-e-taba ki ye saaf hai dalil
maani ulajh ke rah gae un ke kalaam mein

ranjish hi sahi dil hi dukhaane ke liye aa
aa phir se mujhe chhoD ke jaane ke liye aa

jaan hai to jahaan hai dil hai to aarzu bhi hai
ishq bhi ho rahegaa phir jaan abhi bachaaiye