ai khaal-e-rukh-e-yaar tujhe Thiik banaataa — Shah Naseer

tire hi naam ki simran hai mujh ko aur tasbih
tu hi hai vird har ik subh-o-shaam aashiq kaa

gale mein tu ne vahaan motiyon kaa pahnaa haar
yahaan pe ashk-e-musalsal gale kaa haar rahaa

aataa hai to aa vaada-faraamosh vagarna
har roz kaa ye lait-o-laal jaae to achchhaa

mere naale ke na kyuun ho charkh-e-akhzar zer-e-paa
khutba khvaan-e-ishq hai rakhtaa hai mimbar zer-e-paa

mushkil hai rok aah-e-dil-e-daaghdaar ki
kahte hain sau sunaar ki aur ik luhaar ki

puchhne vaalon ko kyaa kahiye ki dhoke mein nahin
kufr o islaam haqiqat mein hain yaksaan ham ko

jab ki pahlu se yaar uThtaa hai
dard be-ikhtiyaar uThtaa hai

ghash khaa ke 'daagh' yaar ke qadmon pe gir paDaa
behosh ne bhi kaam kiyaa hoshiyaar kaa

sahraa pe buraa vaqt mire yaar paDaa hai
divaana kai roz se bimaar paDaa hai

bahan kaa pyaar maan ki maamtaa do chikhti aankhein
yahi tohfe the vo jin ko main aksar yaad kartaa thaa

ho liye jis ke ho liye 'bekhud'
yaar apnaa to ye hisaab rahaa

zaahidon se na bani hashr ke din bhi yaa-rab
vo khaDe hain tiri rahmat ke talabgaar judaa