Soz Hoshiarpuri

dil mira dard ke siva kya hai
ibtida ye to intiha kya hai

main ne har takhrib men dekhi hai ik ta.amir bhi
mera miT jaana bhi hai himmat-faza mere liye

ai mohabbat tujhe khabar hogi
dard uTh uTh ke DhunDhta kya hai

piine ko yuun to shaikh bhi tayyar hain magar
kahte hain shart ye hai girah se na zar khule

ek parda sa hai fareb-e-nazar
ye bhi uTThe to dekhna kya hai

pas-e-murdan bhi musht-e-khak men kaisi ye vahshat hai
uTha karti hai andhi ban ke khak-e-ra.egan meri

dil-e-haris hi apnaa na ho sakaa qaane
vagarna tere karam mein to kuchh kami na rahi

ek parda saa hai fareb-e-nazar
ye bhi uTThe to dekhnaa kyaa hai

jise samjhaa hai tu ai sang-dil mai-khvaariyaan meri
tire khalvat-kade mein hain vo shab-bedaariyaan meri

dil miraa dard ke sivaa kyaa hai
ibtidaa ye to intihaa kyaa hai

main ne har takhrib mein dekhi hai ik taamir bhi
meraa miT jaanaa bhi hai himmat-fazaa mere liye

pas-e-murdan bhi musht-e-khaak mein kaisi ye vahshat hai
uThaa karti hai aandhi ban ke khaak-e-raaegaan meri