Tanveer Samani

farzi qisson jhuTi baton se akasr
sachcha.i ke qad ko naapa karta huun

kyuun na 'tanvir' phir iz.har ki jur.at kiije
khamushi bhi to yahan ba.is-e-rusva.i hai

gharon men qaid hain basti ke shorafa
saDak par hain fasadi aur ghunDe

apne kandhe pe liye phirti hai ehsas ka bojh
zindagi kya kisi maqtal ki tamanna.i hai

apni surat bhi kab apni lagti hai
a.inon men khud ko dekha karta huun

fikr ki aanch men pighle to ye ma.alum hua
kitne pardon men chhupi zaat ki sachcha.i hai

farzi qisson jhuTi baaton se akasr
sachchaai ke qad ko naapaa kartaa huun

gharon mein qaid hain basti ke shorafaa
saDak par hain fasaadi aur ghunDe

kyuun na 'tanvir' phir izhaar ki jurat kiije
khaamushi bhi to yahaan baais-e-rusvaai hai

apne kaandhe pe liye phirti hai ehsaas kaa bojh
zindagi kyaa kisi maqtal ki tamannaai hai

apni surat bhi kab apni lagti hai
aainon mein khud ko dekhaa kartaa huun

fikr ki aanch mein pighle to ye maalum huaa
kitne pardon mein chhupi zaat ki sachchaai hai