gharon mein qaid hain basti ke shorafaa — Tanveer Samani

farzi qisson jhuTi baaton se akasr
sachchaai ke qad ko naapaa kartaa huun

kyuun na 'tanvir' phir izhaar ki jurat kiije
khaamushi bhi to yahaan baais-e-rusvaai hai

apne kaandhe pe liye phirti hai ehsaas kaa bojh
zindagi kyaa kisi maqtal ki tamannaai hai

apni surat bhi kab apni lagti hai
aainon mein khud ko dekhaa kartaa huun

fikr ki aanch mein pighle to ye maalum huaa
kitne pardon mein chhupi zaat ki sachchaai hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

gham-e-zindagi ik musalsal azaab
gham-e-zindagi se mafar bhi nahin

aansuon se koi aavaaz ko nisbat na sahi
bhigti jaae to kuchh aur nikharti jaae