Tauseef Tabassum

dil bayaz-e-umr ki auraq-gardani men hai
kya khabar hai kaun sa safha khula rah ja.ega

paanv men lipTi hui hai sab ke zanjir-e-ana
sab musafir hain yahan lekin safar men kaun hai

achchha hai ki sirf ishq kiije
ye umr to yuun bhi ra.egan hai

shauq kahta hai ki har jism ko sajda kiije
aankh kahti hai ki tu ne abhi dekha kya hai

dil ki baazi haar ke ro.e ho to ye bhi sun rakkho
aur abhi tum pyaar karoge aur abhi pachhtaoge

kaun se dukh ko palle bandhen kis gham ko tahrir karen
yaan to dard siva hota hai aur bhi arz-e-hal ke ba.ad

kyaa ye sach hai ki khizaan mein bhi chaman khilte hain
mere daaman mein lahu hai to mahaktaa kyaa hai

dil bayaaz-e-umr ki auraaq-gardaani mein hai
kyaa khabar hai kaun saa safha khulaa rah jaaegaa

kaun se dukh ko palle baandhein kis gham ko tahrir karein
yaan to dard sivaa hotaa hai aur bhi arz-e-haal ke baad

jo bhi narmi hai khayaalon mein na hone se hai
khvaab aankhon se nikal jaaein to patthar ho jaaein

dukh jhelo to ji kaDaa hi rakhnaa
dil hai to hisaab-e-dostaan hai

paanv mein lipTi hui hai sab ke zanjir-e-anaa
sab musaafir hain yahaan lekin safar mein kaun hai