dil bayaaz-e-umr ki auraaq-gardaani mein hai — Tauseef Tabassum

kyaa ye sach hai ki khizaan mein bhi chaman khilte hain
mere daaman mein lahu hai to mahaktaa kyaa hai

kaun se dukh ko palle baandhein kis gham ko tahrir karein
yaan to dard sivaa hotaa hai aur bhi arz-e-haal ke baad

jo bhi narmi hai khayaalon mein na hone se hai
khvaab aankhon se nikal jaaein to patthar ho jaaein

dukh jhelo to ji kaDaa hi rakhnaa
dil hai to hisaab-e-dostaan hai

paanv mein lipTi hui hai sab ke zanjir-e-anaa
sab musaafir hain yahaan lekin safar mein kaun hai

achchhaa hai ki sirf ishq kiije
ye umr to yuun bhi raaegaan hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ik musalsal jang thi khud se ki ham zinda hain aaj
zindagi ham teraa haq yuun bhi adaa karte rahe

zindagi azmat-e-haazir ke baghair
ik tasalsul hai magar khvaabon kaa

bahut dubli bahut patli hayaati hoti jaati hai
chapaati rafta rafta kaaghzaati hoti jaati hai