Tufail Chaturvedi

vo mausamon par uchhalta hai saval kitne
kabhi to yuun ho ki asman se javab barse

kabhi zamana tha us ki talab men rahte the
aur ab ye haal hai khud ko usi se mangte hain

us ke va.ade ke evaz de Daali apni zindagi
ek sasti shai ka unche bhaav sauda kar liya

ek saa.e ki talab men zindagi pahunchi yahan
duur tak phaila hua hai mujh men manzar dhuup ka

ham buzurgon ki rivayat se juDe hain bhaa.i
nekiyan kar ke kabhi phal nahin manga karte

nafraton ka aks bhi paDne na dena zehan par
ye andhera jaane kitnon ka ujala kha gaya

ye bipharti mauj andeshe samundar aur main
Dubti saansein hatheli par miraa sar aur main

nafraton kaa aks bhi paDne na denaa zehan par
ye andheraa jaane kitnon kaa ujaalaa khaa gayaa

sabhi zakhmon ke Taanke khul gae hain
hamein hansnaa bahut mahngaa paDaa hai

safar anjaam tak pahunche to kaise
main apne raaste mein khud khaDaa huun

ham buzurgon ki rivaayat se juDe hain bhaai
nekiyaan kar ke kabhi phal nahin maangaa karte

har taraf phailaa huaa be-samt be-manzil safar
bhiiD mein rahnaa magar khud ko akelaa dekhnaa