aankhon se pare niind ki raftaar mein rahnaa — Sarmad Sahbai

"kaun hai kis ne pukaaraa hai sadaa kaise hui ye kiran taariki-e-shab se rihaa kaise hui ek ik pal mein utar kar sochtaa rahtaa huun main nuur kis kaa hai mire khuun mein ziyaa kaise hui khvaahishein aaein kahaan se kyuun uchhaltaa hai lahu rut hari kyunkar hui paagal havaa kaise hui us ke jaane kaa yaqin to hai magar uljhan mein huun phuul ke haathon se ye khush-bu judaa kaise hui vo machaa hai ghul ki barham ho gai hain suratein kaun kis kis se ye puchhegaa khataa kaise hui jism o jaan kaa faasla hai haasil-e-gard-e-safar justuju-e-zindagi teraa pataa kaise hui hans diyaa thaa sun ke vo 'sarmad' bas itnaa yaad hai baat us ke saamne lekin adaa kaise hui"

"raushni rangon mein simTaa huaa dhokaa hi na ho main jise jism samajhtaa huun vo saayaa hi na ho aaina TuuT gayaa chuntaa huun reza reza isi aaine mein meraa kahin chehraa hi na ho main to divaar ke is paar ravaan huun kab se koi divaar ke us paar bhi chaltaa hi na ho vo jo suntaa hai miri baat baDe ghaur ke saath baad jaane ke mire mujh pe vo hanstaa hi na ho jaagti aankhon mein kyuun phailtaa jaataa hai khalaa khaa gai hai jise duuri tiraa rasta hi na ho moD har raah pe paanv se lipaT jaate hain vo mujhe chhoD ke chal de kahin aisaa hi na ho us ke milne pe bhi mahsus huaa hai 'sarmad' us ne dekhaa hi na ho main ne bulaayaa hi na ho"

"kis shakhs ki talaash mein sar phoDti rahi sunsaan jangalon mein havaa chikhti rahi maathe pe dhuul haath mein kaanTe liye hayaat sahraa se khushbuon kaa pata puchhti rahi dil bujh gayaa to raat ki surat thi zindagi jab tak ye ik charaagh rahaa raushni rahi main aaj bhi na us se koi baat kar sakaa lafzon ke pattharon mein tamannaa dabi rahi sunsaan raaston pe bhaTakti thi chaandni shab bhar na jaane kis ke liye jaagti rahi vo peD jo haraa thaa bahaaron ke baad bhi hairat se us ko zard havaa dekhti rahi suraj na koi meri gali mein utar sakaa shab bhar mire makaan ki khiDki khuli rahi"

"sadaa-e-girya jo har shaam ghar se aati hai ye baazgasht hai divaar-o-dar se aati hai kabhi jo aaya nahin aur kabhi na aaegaa usi ki chaap har ik rah-guzar se aati hai kaDakti dhuup mein bhi dil ko ik tasalli hai na jaane chhaanv si ye kis shajar se aati hai jise bhi dekhein vo aaraaish-e-talab mein hai mataa'-e-be-talabi kis hunar se aati hai chamak damak hai vahi jagmagaate raston par phir itni tirgi yaa-rab kidhar se aati hai ye kaun log hain jo saath chal rahe hain mire ki bu-e-ghair mujhe ham-safar se aati hai shab-e-siyaah mein taara na hai charaagh koi jo raushni hai kisi chashm-e-tar se aati hai ye irti'aash-e-nafas hai ravish kitaabat ki jo raushnaai hai daagh-e-jigar se aati hai dikhaai deti hai tasvir-e-ghaib kab 'sarmad' nazar jo aati hai teri nazar se aati hai"

"dam junun ki had-e-intihaa pe Thahraa hai ye meraa dil hai abhi ibtidaa pe Thahraa hai usi ke lams se aab-o-havaa badalti hai tamaam manzar-e-jaan ik adaa pe Thahraa hai kanaar-e-kun se pare hai kahin vajud apnaa ye kaarvaan to ghubaar-e-sadaa pe Thahraa hai kuchh aur der numaaish hai shor-o-shar ki yahaan ye ik habaab hai mauj-e-fanaa pe Thahraa hai shuaa-e-subh bun-e-gosh mein utarti hai zavaal-e-mehr ki dast-e-hinaa pe Thahraa hai shab-e-siyaah sar-e-khaal mein simaTti hai sitaara TuuT ke band-e-qabaa pe Thahraa hai nafas nafas mein bhaDakti hai dil ki lau 'sarmad' ajab charaagh hai ye baam-e-hu pe Thahraa hai"

"ho laag darmiyaan to koi dil bhi tab lagaae baiThe raho umiid yunhi be-sabab lagaae jo qarz-e-hijr saunp gayaa 'umr ke 'evaz shart-e-visaal us se kahin be-talab lagaae kis jeb-e-ehtiyaat mein rakkhein mataa-e-dil baiThaa nahin kahaan pe vo rahzan naqab lagaae khultaa nahin hai uqda shab-e-intizaar kaa yaaron ne daav pech yahaan sab ke sab lagaae chaaron taraf hai aag magar darmiyaan-e-shahr baiThaa hai yaar majlis-e-jashn-e-tarab lagaae baazaar-e-'ishq sard paDaa nazr-e-jaan ke baa'd ab koi naqd-e-naam yaa naqd-e-nasab lagaae phirte hain le ke bint-e-fasaahat ko mirzaa apne taiin khudaa-e-sukhan kaa laqab lagaae is khvaancha-e-sukhan pe to 'sarmad' guzar nahin us se kahein hamein vo kisi aur Dhab lagaae"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"