ek ujli du'aa kaa saaya hai — Anis Dehlavi

"main us ke sitam sah ke duhaai nahin detaa duniyaa ko miraa dard dikhaai nahin detaa aazaadiyaan paaoge qafas toD ke varna sayyaad parindon ko rihaai nahin detaa kam-zarf ko ehsaan kaa ehsaas nahin hai varna mujhe is taur buraai nahin detaa buDhe hue ye soch ke tum ghar mein na baiTho maan baap ko ab beTaa kamaai nahin detaa daulat se chukaa detaa hai insaaf ki qimat munsif ko gunahgaar safaai nahin detaa paai hain jo saansein bhi ghanimat inhein jaano ye naghma bahut der sunaai nahin detaa paDh letaa hai chehron se 'anis' aap ke jazbaat kyaa gham hai jo kaanon se sunaai nahin detaa"

"saanson mein shahr-bhar ki utar jaanaa chaahiye khushbu ho tum to tum ko bikhar jaanaa chaahiye karnaa hai aap ko jo nae raaston ki khoj sab jis taraf na jaaein udhar jaanaa chaahiye us bevafaa pe marne ko aamaada dil nahin lekin vafaa ki zid hai ki mar jaanaa chaahiye divaar ban ke vaqt agar raasta na de jhonkaa havaa kaa ban ke guzar jaanaa chaahiye un ke sivaae jin pe tabaahi guzar gai har shakhs kah rahaa hai ki har jaanaa chaahiye yuun aah bhar ki us kaa taghaaful laraz uThe tu khaak ho gayaa ye khabar jaanaa chaahiye agli safon mein ham hi rahein kyuun sadaa 'anis' ab maarke mein us kaa bhi sar jaanaa chaahiye"

"hamaare zarf ghaTte jaa rahe hain samundar ab simaTte jaa rahe hain ye tughyaani to rukti hi nahin hai kinaare hain ki kaTte jaa rahe hain haqiqat un ki vaazeh ho rahi hai dhundalke ab simaTte jaa rahe hain main jin ki yaad se bhi huun gurezaan mire dil se lipaTte jaa rahe hain samajh mein aa rahi hain us ki baatein nazar se parde haTte jaa rahe hain vo khote jaa rahe hain taaqat apni qabilon mein jo banTte jaa rahe hain 'anis' ab 'umr ki shaam aa chali hai varaq hasti ke phaTte jaa rahe hain"

"jaan tak kar di fidaa lekin sila kuchh bhi nahin aap ki nazron mein kyaa meri vafaa kuchh bhi nahin chhin liin khushiyaan miri aankhon se meri niind bhi zindagi tu ne mujhe ab tak diyaa kuchh bhi nahin sainkaDon mujh par sitam kartaa rahaa vo umr-bhar phir bhi main ne aaj tak us se kahaa kuchh bhi nahin de rahe hain gaaliyaan yaa phir duaaein mujh ko aap kyaa kahun ab aap se main ne sunaa kuchh bhi nahin aap ki baaton mein aa kar kho diyaa dil kaa sukun zindagi mein dekhiye meri bachaa kuchh bhi nahin"

"'ajib Dhab kaa musaafir hai ghar na aaegaa jo vaqt biit gayaa lauT kar na aaegaa ye eqtidaar milaa hai baDe jatan kar ke ab un ko apne sivaa kuchh nazar na aaegaa charaagh kaise jaleinge udaas palkon par jo Dhal ke ashkon mein khun-e-jigar na aaegaa ye gumrahi bhi nae raaste nikaalegi hamaare aage agar raahbar na aaegaa na jaane kyon miri aankhein lagi rahin dar par main jaantaa thaa ki vo raat bhar na aaegaa ye saaniha hai ki sar se uThe ghane saae ab apni raah mein koi shajar na aaegaa ghamon ke peD ke niche khaDe hue ho 'anis' tumhaare haath khushi kaa samar na aaegaa"

"ye sadi ranj-o-masaaib ki sadi lagti hai zindagi bhi mujhe zakhmon ki gali lagti hai jhuuT sunne kaa har ik shakhs huaa hai 'aadi ho jo miThi bhi to sachchaai buri lagti hai ye zaruri nahin insaan ko mil hi jaae aisi har chiiz jo aankhon ko bhali lagti hai khat mein tahrir mujhe milte hain us ke aansu lafz chhutaa huun to aankhon mein nami lagti hai mere purkhon ki bhi miTTi hai isi miTTi mein is liye khaak-e-vatan mujh ko bhali lagti hai ghusl karte hue mahbub saa lagtaa hai ye chaand chaandni raat sitaaron ki nadi lagti hai ham ne dekhe hain fasaadon mein vo manzar bhi 'anis' apne hi khuun mein har chiiz sani lagti hai"

"mahv-e-hairat huun miraa khaar ne rasta dekhaa ek kirdaar kaa kirdaar ne rasta dekhaa kaun kahtaa hai talabgaar ne rasta dekhaa ek be-daar kaa bedaar ne rasta dekhaa kam-nasibi ki mulaaqaat se mahrum rahe khush-nasibi ki mire yaar ne rasta dekhaa anginat aae ruke aur ravaana bhi hue kab kisi shakhs kaa sansaar ne rasta dekhaa apne vaalon ne musibat mein bhulaayaa lekin dosti ke liye aghyaar ne rasta dekhaa main ne sachchaai ko jis roz se apnaayaa hai meraa aksar rasan-o-daar ne rasta dekhaa tujh se 'mahmud' use pyaar bahut thaa shaayad marte dam tak tire bimaar ne rasta dekhaa"

"dushmani chalti rahi yaaron ke biich phuul bhi khilte rahe khaaron ke biich ho agar imaan-e-kaamil aaj bhi raqs ho saktaa hai angaaron ke biich dosti ki chhat banaanaa chaahiye ham ko bhi rahnaa hai divaaron ke biich aap ko to chaand kahte the sabhi aap kyon dhundlaa gae taaron ke biich khud-farebi ne sahaaraa de diyaa mil gayaa iqraar inkaaron ke biich khuub hai 'muztar' kaa rang-e-shaairi khuun ki surkhi hai ghazal-paaron ke biich"

"miri jaanib nigaah-e-naaz kar aahista aahista mire dil ke jazire mein utar aahista aahista mohabbat donon jaanib hai tafaavut sirf itnaa hai idhar hai tez-rau lekin udhar aahista aahista tiri beTi kaa qad tere baraabar ho gayaa shaayad tu apni khud-kushi par ghaur kar aahista aahista sahar aai na aae vo sitaaro jaao so jaao ki ab chalte hain ham bhi apne ghar aahista aahista jo kal tak meri barbaadi ki qasmein khaate phirte the vahi ab ho rahe hain dar-ba-dar aahista aahista na jaane rah-ravaan-e-raah kaa ab hashr kyaa hogaa bhaTakte jaa rahe hain raahbar aahista aahista khudaa ke vaaste samjhaa-bujhaa kar rok le koi vo dekho jaa rahe hain ruuTh kar aahista aahista adaavat dil mein rakhnaa muskuraa kar guftugu karnaa sabhi ko aa gayaa hai ye hunar aahista aahista nimaT luun doston ki dosti se pahle ai 'hamza' to lungaa dushmanon ki bhi khabar aahista aahista"

"gila hai apne muqaddar ki be-hisi se hamein aur is se baDh ke shikaayat hai zindagi se hamein kabhi nigaar-e-lab-e-shoala-vash kaa zikr chalaa kabhi hisaar-e-gham-e-jaan milaa kisi se hamein kabhi thaa qurb mein ik iztiraab kaa aalam kabhi qaraar milaa teri be-rukhi se hamein kabhi malaal huaa iltifaat-e-paiham se kabhi khushi thi bahut tark-e-dosti se hamein kabhi gumaan ki ye duniyaa hai ik fareb-e-nazar yaqin bhi hai khudaa ke vajud hi se hamein hayaat-e-jehd-e-musalsal mein kyon hai sargardaan zaraa pataa to chale ilm-o-aagahi se hamein agarche dil ko mili thi naved-e-subh-e-jamaal najaat mil na saki shab ki tirgi se hamein khaDe hain dasht-e-balaa-khez mein barahna-paa milaa hai izn-e-safar jazba-e-khudi se hamein 'sabaa' ye kaun si manzil hai dasht-e-imkaan mein na aashnaa se gharaz hai na ajnabi se hamein"

"ek dariyaa saa musalsal hai ravaan jaante hain ham zamaane se zamaane ko yahaan jaante hain raah-e-haq par hamein rakhnaa hain akele hi qadam saath degaa na hamaaraa ye jahaan jaante hain ham ne jo baat kahi vo bhi na samjhi tum ne dost to dost ki khaamosh zabaan jaante hain laakh aaraaishein mil jaaein magar un ke baghair ghar na ho paaegaa ham se ye makaan jaante hain daa'vaa karte hain khudaa ko bhi samajhne kaa magar ham yahaan Thiik se khud ko bhi kahaan jaante hain jism ke zakhm to sab bhar gae kab ke lekin ruuh par ab bhi jo hain ham vo nishaan jaante hain 'aarzu' kyon ho hamein ‘umr-daraazi ki jab zindagi ham tire sab sud-o-ziyaan jaante hain"

"rakht-e-safar kaa main ne iraada nahin kiyaa raushan charaagh-e-manzil-e-jaada nahin kiyaa tujh se bichhaD ke aur miraa dil udaas ho milne kaa is liye abhi vaada nahin kiyaa shiddat se thaa malaal shab-e-hijr kaa magar shaane pe tere sar ko nihaada nahin kiyaa dil mutmain hai baais-e-tajdid-e-dosti us ko khafaa bhi had se ziyaada nahin kiyaa sab kuchh ataa huaa tiri rahmat se is liye dast-e-talab ko aur kushaada nahin kiyaa shaayad ki meri ruuh ko baalidgi mile khud ko rahin-e-saaghar-o-baada nahin kiyaa shaayad miri jabin ko mile izn-e-bandagi dil ke varq ko is liye saada nahin kiyaa mujh ko na tamkanat kaa ho ehsaas-e-be-ziyaan qaamat ko apne aur sitaara nahin kiyaa apni talaash mein huun 'sabaa' is liye abhi su-e-haram safar kaa iraada nahin kiyaa"