junun-e-ishq jise sar-phiraa banaa degaa — Moid Rahbar Lakhnavi

"apne maazi ko charaaghon mein basar ham ne kiyaa kaT gai raat to didaar-e-sahar ham ne kiyaa sirf jangein hi nahin jiiti hain hain is duniyaa mein maarka ishq ke maidaan kaa bhi sar ham ne kiyaa dekhne vaalon ki hairat kaa Thikaana na rahaa ek patthar ko jo chamkaa ke guhar ham ne kiyaa chaand mein aks nazar aayaa hai teraa jab se husn vaale tujhe manzur-e-nazar ham ne kiyaa kaun sach boltaa hai zaalim-o-jaabir ke khilaaf kaam duniyaa mein ye be-khauf-o-khatar ham ne kiyaa bhuul paanaa use aasaan to nahin thaa yaaro kaam ye thoDaa saa mushkil thaa magar ham ne kiyaa tab kahin jaa ke ghazal rang hai laai 'rahbar' sirf ashaar mein jab khun-e-jigar ham ne kiyaa"

"ramz-e-hayaat aalam-e-faani mein kho gayaa meraa vajud naql-e-makaani mein kho gayaa kyaa jaane kyaa kashish thi tumhaare kalaam mein jis ne sunaa vo lafz-o-maaani mein kho gayaa jo duur tak nahin the vahi ab hain saamne kirdaar meraa us ki kahaani mein kho gayaa dariyaa se bhi kahin koi sailaab jab uThaa vo bhi in aansuon ki ravaani mein kho gayaa jo kuchh kahaa nazar ne nazar se sune vo kaun har shakhs guftugu-e-lisaani mein kho gayaa duniyaa-e-ilm-o-fan mein jo haasil thaa kal use saaraa kamaal charb-zabaani mein kho gayaa ehsaas phir zaifi mein 'rahbar' huaa unhein lutf-e-hayaat jin kaa javaani mein kho gayaa"

"dasht-e-takhayyulaat mein jab bhi safar huaa jaane kahaan kahaan se hamaaraa guzar huaa logo ki talkhiyon kaa kuchh aisaa asar huaa dil ke har ek goshe mein raqs-e-sharar huaa us ki taraf se main to huaa be-khabar magar meri taraf se vo na kabhi be-khabar huaa bigDi hai aisi shakl havaadis ki maar se hairaan aaina bhi mujhe dekh kar huaa ik baar hi to kaandhe pe rakkhaa thaa us ne sar phir aisaa ittifaaq kahaan 'umr bhar huaa jis ki nazar mein vusat-e-khvaab-o-khayaal thi us kaa vujud markaz-e-ahl-e-nazar huaa pahle to ik makaan ki surat hi thaa faqat tashrif aap laae to ghar meraa ghar huaa us ko hamaari dasht-navardi se hai khushi is se gharaz nahin ki koi dar-ba-dar huaa sab ki samajh mein aataa kahaan hai ye 'ilm-o-fan jis ne samajh liyaa use vo dida-var huaa 'rahbar' tavil 'umr bhi jiine se faiz kyaa kuchh maqsad-e-hayaat na puuraa agar huaa"

"jo tamaam umr ban kar miraa hausla rahi hai vahi aaj meri ghairat mujhe aazmaa rahi hai miri fikr jaane mujh ko kahaan le ke jaa rahi hai ki qadam qadam pe manzil sar-e-raah aa rahi hai nahin chhoDti hai mujh ko kisi moD par ye duniyaa main ise rulaa rahaa huun ye mujhe rulaa rahi hai tu ye jaantaa hai phir bhi nahin fikr aakhirat ki tiri maut rafta rafta tire paas aa rahi hai jo ab aa gae ho tum to mujhe chhoD kar na jaanaa ki tumhaare bin ye hasti baDi be-maza rahi hai miri zindagi ke maalik main ye tujh se puchhtaa huun mujhe kyon jahaan mein bhejaa miri kyaa khataa rahi hai ye na ho ki vaqt-e-aakhir rahe dil ki baat dil mein miri jaan ab to aa jaa miri jaan jaa rahi hai jo tumhein milaa hai mansab use daaimi na samjho kisi ek ki hukumat yahaan kab sadaa rahi hai mujhe ab ye lag rahaa hai vo khizaan thi Thiik 'rahbar' ye bahaar kaise kaise nae gul khilaa rahi hai"

"ai ghazal teri nazar jab se utaari ham ne rakh diyaa naam tiraa raaj-kumaari ham ne is liye gham ko banaa rakkhaa hai apnaa saathi tujh ko de di hai khushi saari ki saari ham ne dil ke jazbaat zamaane ko bataane ke liye sher-goi kaa safar rakkhaa hai jaari ham ne dard-e-furqat mein na so paaoge ab chain se tum niind aankhon se churaa li hai tumhaari ham ne jo kahaa tujh se akele mein kahaa ai zaalim aabru kab tiri mahfil mein utaari ham ne naqd hai ishq kaa saudaa ye huaa jab maalum is mein rakkhi hi nahin koi udhaari ham ne hain kahaan jin pe adab kaa thaa kabhi daar-o-madaar ab to stage pe dekhe hain madaari ham ne ye haqiqat hai tumhein koi nahin puchhegaa kyaa karoge jo kabhi toD di yaari ham ne un se bichhDe hain to phir niind na aai 'rahbar' taare gin gin ke har ik raat guzaari ham ne"

"aise jazbaat mein lahje ko na patthar kiije guftugu mujh se zaraa aap sambhal kar kiije ye na ho aap ki tahrir hi baaghi ho jaae zulm itnaa bhi na qirtaas-o-qalam par kiije mujh se ranjish hai to maidaan mein aa jaaiye aap meri tasvir ke TukDe na bahattar kiije meraa daavaa hai ki haalaat badal jaaeinge saamnaa aap jo haalaat kaa DaT kar kiije chaahte aap hain jo zehn kushaada rakhnaa bughz-o-nafrat ke khayaalaat ko baahar kiije dusron par to karam aap kaa rahtaa hai magar ik nazar meri bhi jaanib mire dilbar kiije baat banti hai mohabbat se bhi aksar 'rahbar' dil mein paivast na alfaaz ke nashtar kiije"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"