SHAWORDS

khudaa-numaa hai but-e-sang-e-aastaana-e-ishq — Khwaja Mohammad Wazir

Home›Khwaja Mohammad Wazir›Ghazal
"khudaa-numaa hai but-e-sang-e-aastaana-e-ishq chalungaa paa-e-nigah ban ke su-e-khaana-e-ishq na kam hon sikka-e-daagh-e-dil-e-yagaana-e-ishq bharaa paDaa rahe yaarab sadaa khazaana-e-ishq jabin-e-qais bani sang-e-aastaana-e-ishq junun hai khema-e-lailaa siyaah-khaana-e-ishq mudaam dil mein rahe daagh-e-ulfat-e-saaqi na be-charaagh ho yaarab sharaab-khaana-e-ishq ye mahfil-e-tarab-e-husn hai nahin maqtal sadaa gulu-e-burida ki hai taraana-e-ishq ye kah ke phirti hai din raat aasiyaa-e-falak mile to khirman-e-mah de ke luun main daana-e-ishq hai aaftaab piyaala farishta-khu saaqi kham-e-falak hai subu-e-sharaab-khaana-e-ishq bas ek haath mein do ho ke main zamin pe giraa qazaa jo aai adaa ho gayaa dogaana-e-ishq har ek gaam pe dil pistaa hai ablaq-e-chashm magar hai surme kaa dumbaala taaziyaana-e-ishq jalaayaa tuur ko ik dam mein saaiqa ban kar sharar-fishaan jo huaa sang-e-aastaana-e-ishq ho khaana-e-sadaf-e-dil na kis tarah pur-nur ki aap hai guhar-e-shab-charaagh daana-e-ishq buto khudaa ne kahaa fis-samaa-e-rizqokum aap milaa hai mujh ko ye haft aasiyaa se daana-e-ishq ye sach masal hai buto sab kaa hai khudaa razzaaq nasib-e-taair-e-dil hai azal se daana-e-ishq jo khaal ban ke khat-e-rukh mein dil rahe meraa kahun main khirman-e-mah mein milaa ye daana-e-ishq kisi ke abru-e-pur-kham kaa dhyaan rahtaa hai hamaaraa kaaba-e-dil hai siyaah-khaana-e-ishq sadaa-e-maatam-e-dil sun ke khush vo hote hain navaa-e-sina-zani hai ki shaadiyaana-e-ishq jo shauq-e-did hai muusaa ki tarah ek na sun ki lantaraani-e-ishq hai taraana-e-ishq naqaab udhar vo uThaaein idhar main aah karun samand-e-husn pe paD jaae taaziyaana-e-ishq jo toliye ise kaunain ki taraazu mein garaan ho vazn mein na aasiyaa se daana-e-ishq farogh-e-bazm-e-tasavvur hai yaad pistaan ki habaab-e-husn bane hain charaagh-e-khaana-e-ishq khayaal-e-gauhar-e-dandaan mein ham jo rote hain sarishk-e-dida-e-tar hai dur-e-yagaana-e-ishq hai mere dil ki tarah is se ye pareshaan-haal milaa hai zulf ko husn-e-siyaah-khaana-e-ishq chaDhaa jo daar pe aashiq kaa sar huaa sardaar judaa hai khaana-e-aalam se kaarkhaana-e-ishq khudaa kaa ghar ho jo TuuTe jihaad-e-nafs se dil kharaab ho to bane laa-makaan ye khaana-e-ishq vo dil lagaa ke sunein daastaan ki surat bayaan kijiye us husn se fasaana-e-ishq 'vazir' tukhm-e-mohabbat ko dil mein bo apne zamin vo shor hai jis mein uge na daana-e-ishq"
Urdu

خدا‌ نما ہے بت سنگ آستانۂ عشق چلوں گا پائے نگہ بن کے سوئے خانۂ عشق نہ کم ہوں سکۂ داغ دل یگانۂ عشق بھرا پڑا رہے یا رب سدا خزانۂ عشق جبین قیس بنی سنگ آستانۂ عشق جنوں ہے خیمۂ لیلےٰ سیاہ خانۂ عشق مدام دل میں رہے داغ الفت ساقی نہ بے چراغ ہو یا رب شراب خانۂ عشق یہ محفل طرب حسن ہے نہیں مقتل صدا گلوئے بریدہ کی ہے ترانۂ عشق یہ کہہ کے پھرتی ہے دن رات آسیائے فلک ملے تو خرمن مہ دے کے لوں میں دانۂ عشق ہے آفتاب پیالہ فرشتہ خو ساقی خم‌ فلک ہے سبوئے شراب خانۂ عشق بس ایک ہاتھ میں دو ہو کے میں زمیں پہ گرا قضا جو آئی ادا ہو گیا دوگانۂ عشق ہر ایک گام پہ دل پیستا ہے ابلق چشم مگر ہے سرمے کا دنبالہ تازیانۂ عشق جلایا طور کو اک دم میں صاعقہ بن کر شرر فشاں جو ہوا سنگ آستانۂ عشق ہو خانۂ صدف دل نہ کس طرح پر نور کہ آپ ہے گہر شب چراغ دانۂ عشق بتو خدا نے کہا فی‌ السماء‌ رزقکم آپ ملا ہے مجھ کو یہ ہفت آسیا سے دانۂ عشق یہ سچ مثل ہے بتو سب کا ہے خدا رزاق نصیب طائر دل ہے ازل سے دانۂ عشق جو خال بن کے خط‌ رخ میں دل رہے میرا کہوں میں خرمن مہ میں ملا یہ دانۂ عشق کسی کے ابروئے پر خم کا دھیان رہتا ہے ہمارا کعبۂ دل ہے سیاہ خانۂ عشق صداے ماتم دل سن کے خوش وہ ہوتے ہیں نوائے‌ سینہ زنی ہے کہ شادیانۂ عشق جو شوق دید ہے موسیٰ کی طرح ایک نہ سن کہ لن‌ترانیٔ محبوب ہے ترانۂ عشق نقاب ادھر وہ اٹھائیں ادھر میں آہ کروں سمند حسن پہ پڑ جائے تازیانۂ عشق جو تولیے اسے کونین کی ترازو میں گراں ہو وزن میں نہ آسیا سے دانۂ عشق فروغ بزم تصور ہے یاد پستاں کی حباب حسن بنے ہیں چراغ خانۂ عشق خیال‌ گوہر دنداں میں ہم جو روتے ہیں سرشک دیدۂ تر ہے در یگانۂ عشق ہے میرے دل کی طرح اس سے یہ پریشاں حال ملا ہے زلف کو حسن سیاہ خانۂ عشق چڑھا جو دار پہ عاشق کا سر ہوا سردار جدا ہے خانۂ عالم سے کارخانۂ عشق خدا کا گھر ہو جو ٹوٹے جہاد نفس سے دل خراب ہو تو بنے لا مکاں یہ خانۂ عشق وہ دل لگا کے سنیں داستان کی صورت بیان کیجیے اس حسن سے فسانۂ عشق وزیرؔ تخم محبت کو دل میں بو اپنے زمیں وہ شور ہے جس میں اگے نہ دانۂ عشق

Hindi

ख़ुदा-नुमा है बुत-ए-संग-ए-आस्ताना-ए-इश्क़ चलूँगा पा-ए-निगह बन के सू-ए-ख़ाना-ए-इश्क़ न कम हों सिक्का-ए-दाग़-ए-दिल-ए-यगाना-ए-इश्क़ भरा पड़ा रहे यारब सदा ख़ज़ाना-ए-इश्क़ जबीन-ए-क़ैस बनी संग-ए-आस्ताना-ए-इश्क़ जुनूँ है ख़ेमा-ए-लैला सियाह-ख़ाना-ए-इश्क़ मुदाम दिल में रहे दाग़-ए-उल्फ़त-ए-साक़ी न बे-चराग़ हो यारब शराब-ख़ाना-ए-इश्क़ ये महफ़िल-ए-तरब-ए-हुस्न है नहीं मक़्तल सदा गुलू-ए-बुरीदा की है तराना-ए-इश्क़ ये कह के फिरती है दिन रात आसिया-ए-फ़लक मिले तो ख़िर्मन-ए-मह दे के लूँ मैं दाना-ए-इश्क़ है आफ़्ताब पियाला फ़रिश्ता-ख़ू साक़ी ख़म-ए-फ़लक है सुबू-ए-शराब-ख़ाना-ए-इश्क़ बस एक हाथ में दो हो के मैं ज़मीं पे गिरा क़ज़ा जो आई अदा हो गया दोगाना-ए-इश्क़ हर एक गाम पे दिल पीस्ता है अबलक़-ए-चश्म मगर है सुरमे का दुम्बाला ताज़ियाना-ए-इश्क़ जलाया तूर को इक दम में साइक़ा बन कर शरर-फ़िशाँ जो हुआ संग-ए-आस्ताना-ए-इश्क़ हो ख़ाना-ए-सदफ़-ए-दिल न किस तरह पुर-नूर कि आप है गुहर-ए-शब-चराग़ दाना-ए-इश्क़ बुतो ख़ुदा ने कहा फ़िस-सम्मा-ए-रिज़क़ोकुम आप मिला है मुझ को ये हफ़्त आसिया से दाना-ए-इश्क़ ये सच मसल है बुतो सब का है ख़ुदा रज़्ज़ाक़ नसीब-ए-ताइर-ए-दिल है अज़ल से दाना-ए-इश्क़ जो ख़ाल बन के ख़त-ए-रुख़ में दिल रहे मेरा कहूँ मैं ख़िर्मन-ए-मह में मिला ये दाना-ए-इश्क़ किसी के अबरू-ए-पुर-ख़म का ध्यान रहता है हमारा काबा-ए-दिल है सियाह-ख़ाना-ए-इश्क़ सदा-ए-मातम-ए-दिल सुन के ख़ुश वो होते हैं नवा-ए-सीना-ज़नी है कि शादियाना-ए-इश्क़ जो शौक़-ए-दीद है मूसा की तरह एक न सुन कि लनतरानी-ए-महबूब है तराना-ए-इश्क़ नक़ाब उधर वो उठाएँ इधर मैं आह करूँ समंद-ए-हुस्न पे पड़ जाए ताज़ियाना-ए-इश्क़ जो तोलिए इसे कौनैन की तराज़ू में गराँ हो वज़्न में न आसिया से दाना-ए-इश्क़ फ़रोग़-ए-बज़्म-ए-तसव्वुर है याद पिस्ताँ की हबाब-ए-हुस्न बने हैं चराग़-ए-ख़ाना-ए-इश्क़ ख़याल-ए-गौहर-ए-दन्दाँ में हम जो रोते हैं सरिश्क-ए-दीदा-ए-तर है दुर-ए-यगाना-ए-इश्क़ है मेरे दिल की तरह इस से ये परेशाँ-हाल मिला है ज़ुल्फ़ को हुस्न-ए-सियाह-ख़ाना-ए-इश्क़ चढ़ा जो दार पे आशिक़ का सर हुआ सरदार जुदा है ख़ाना-ए-आलम से कारख़ाना-ए-इश्क़ ख़ुदा का घर हो जो टूटे जिहाद-ए-नफ़्स से दिल ख़राब हो तो बने ला-मकाँ ये ख़ाना-ए-इश्क़ वो दिल लगा के सुनें दास्तान की सूरत बयान कीजिए उस हुस्न से फ़साना-ए-इश्क़ 'वज़ीर' तुख़्म-ए-मोहब्बत को दिल में बो अपने ज़मीं वो शोर है जिस में उगे न दाना-ए-इश्क़

Khwaja Mohammad WazirKhwaja Mohammad WazirSadYaadMaaIshq
ḳhudā-numā hai but-e-sañg-e-āstāna-e-ishq
Khwaja Mohammad Wazir
Khwaja Mohammad Wazir
Khwaja Mohammad Wazir
poet97 quotes

More by Khwaja Mohammad Wazir

View all →
Quote
"jo khaas bande hain vo banda-e-avaam nahin hazaar baar jo yusuf bike ghulaam nahin bhalaa ho kyaa dil-e-zaahid mein soz-e-ulfat-e-haq kabhi jalaane ke qaabil charaagh-e-khaam nahin gilaa hai chashm-e-sukhan-go se khaamushi kaa hamein dahan ke hone na hone mein kuchh kalaam nahin tu aaftaab hai zulf-e-siyah nahin to na ho charaagh-e-roz ko kuchh ehtiyaaj-e-shaam nahin 'aziz aashiq-e-gumnaam kaa hai dil us ko nagin vo haath mein rakhtaa hai jis mein naam nahin bas ek haath mein do ho ke paDh dogaanaa-e-ishq jo be-namaaz hai vo qaabil-e-salaam nahin ye sar jhukaanaa ye munh phernaa hai maane'-e-did miri namaaz mein sajda nahin salaam nahin vo mujh pe marne lagi jo hai mere darpai-e-qatl ilaahi is ke sivaa aur intiqaam nahin firaaq-e-yaar mein dast-e-subu uDaate hain khaak ye gard-baad hai gardish mein apnaa jaam nahin na hans rulaaegaa tujh ko khumaar-e-baada-e-aish mai-nashaat to is bazm mein mudaam nahin phanse na qaid-e-ta'alluq mein jo ki hai aazaad chaman mein taair-e-nikhat asir-e-daam nahin vo dil ho chaak nahin 'ishq kaa nishaan jis mein nagin vo TuuTe mohabbat kaa jis mein naam nahin rahegaa hijr kaa din kab kaTe agar shab-e-vasl mudaam roz-e-qayaamat ko bhi qayaam nahin bane jo baal kaa phandaa tumhaari tegh kaa baal to murgh-e-jaan ke liye behtar is se daam nahin mai-e-do-aatisha-e-kufr-o-din se khalq hai mast magar sharaab ye ham-mashrabo haraam nahin pukaaraa apnaa gadaa kah ke mujh ko ai shah-e-husn faqir huun tire dar kaa 'vazir' naam nahin"
Khwaja Mohammad WazirKhwaja Mohammad Wazir
MaaIshq
Quote
"chalaa hai o dil-e-raahat-talab kyaa shaadmaan ho kar zamin-e-ku-e-jaanaan ranj degi aasmaan ho kar kiyaa viraan chaman ko aae ho kyaa bostaan ho kar hue gul paani paani ye chali aab-e-ravaan ho kar isi khaatir to qatl-e-aashiqaan se man' karte the akele phir rahe ho yusuf-e-be-kaarvaan ho kar javaab-e-naama kyaa laayaa tan-e-be-jaan mein jaan aai gayaa yaan se kabutar vaan se aayaa murgh-e-jaan ho kar ghazab hai ruuh se is jaama-e-tan kaa judaa honaa libaas-e-tang hai utregaa aakhir dhajjiyaan ho kar agar aahista bolun naa-tavaani kahti hai bas bas sadaa-e-jumbish-e-lab dete hi sadme fughaan ho kar izaar-e-aatishin khatt-e-siyah ik din nikaalegaa rulaaegaa ye sho'la meri aankhon kaa dhuaan ho kar mukaddar ho agar lo mujh ko gaaDo is taraf dekho ki zer-e-khaak huun gard-e-nigah se naa-tavaan ho kar kiyaa ghairon ko qatl us ne mue ham rashk ke maare ajal bhi dosto aai nasib-e-dushmanaan ho kar phiraa sad-chaak ho kar kucha-e-kaakul se dil apnaa azizo yusuf-e-gum-gashta aayaa kaarvaan ho kar kamaan abru ki aise narm hai aaegaa jo naavak rahegaa ustukhvaan mein apne maghz-e-ustukhvaan ho kar chhuDaai chuus kar ham ne misi to kyaa hai sharmaayaa lab us mahjub kaa chhupne lagaa munh mein zabaan ho kar falak meri tarah aakhir tujhe bhi piis Daalegaa uDegaa ai humaa ik roz gard-e-ustukhvaan ho kar humaa se hai kaDaapan ai sag-e-jaanaan jo tu khaae mulaaim ustukhvaan ho jaaein maghz-e-ustukhvaan ho kar jahaan jo chaahiye vaisi hi vo dikhlaae nairangi basar aankhon mein goyaai zabaan mein dil mein jaan ho kar sitam kar us ke ye dekhe to khun-rezi pe maail ho kare sang-e-malaamat tez khanjar ko fasaan ho kar nahaane mein jo lahraati hai zulf-e-yaar dariyaa mein taDapne lagti hain paani pe maujein machhliyaan ho kar udaasi jhuk ke milte ho nigah se qatl karte ho sitam-ijaad ho naavak lagaate ho kamaan ho kar uThaaegi jo ham ko vahshat-e-dil yaar ke dar se gireinge paaezi paanv pe apne beDiyaan ho kar kahaa jo us ne chaahaa zo'f se yaan lab nahin milte subuk kar deti hain harf-e-sukhan baar-e-garaan ho kar asar baaqi rahaa balbe shab-e-furqat ki taariki charaagh-e-roz se sho'la nikal aayaa dhuaan ho kar khat-e-nau-khez mein aariz jo tere chhupte jaate hain pari ban jaaeinge is sabz shishe mein nihaan ho kar giraa qadmon pe said-e-naa-tavaan thaa haath se chhuT kar jagah de ab to naqsh-e-paae-e-sayyaad aashiyaan ho kar tire vahshi ko barson ai pari kab niind aati hai agar khvaab-e-giraan aayaa bhi to sang-e-giraan ho kar 'vazir' us kaa huun main shaagird jis ko kahte hain munsif liyaa mulk-e-maaani baadshaah-e-shaairaan ho kar"
Khwaja Mohammad WazirKhwaja Mohammad Wazir
SadYaad
Quote
"nahin kaTtaa hai ye maidaan-e-balaa vaadi-e-khizr bayaabaan-e-balaa mustaid zulf miri ranj pe hai hai muhayyaa sar-o-saamaan-e-balaa mar gayaa gesu-e-pur-pech mein dil chhuT gayaa qaidi-e-zindaan-e-balaa haar phulon ki hain choTi mein ayaan kyaa hi phulaa hai gulistaan-e-balaa bole bikhraa ke vo zulfein apni ham hue silsila-jumbaan-e-balaa unchi choTi hai ghazab ai yam-e-husn kyaa hi uTThaa hai ye tufaan-e-balaa kaan ki lau tiri zulfon mein nahin hai charaagh-e-tah-e-daamaan-e-balaa garmi-e-rukh se araq-rez hai zulf hai guhar-baar ye naisaan-e-balaa dil mire siine mein hai mahv-e-mizha hai yahi sher-e-niyastaan-e-balaa"
Khwaja Mohammad WazirKhwaja Mohammad Wazir
DilMaa
Quote
"mere naalon se tah-o-baalaa hui aksar zamin zer-e-paa aayaa falak aur baarhaa sar par zamin hai dayaar-e-maah-ru kaa bas yahi qaasid nishaan aasmaan tujh ko nazar aaegi vaan ki sar-zamin kis taraf jaaun ki ho in do balaaon se najaat aasmaan ghar ghar yahi hai aur yahi ghar ghar zamin baari baari ye mujhe pisein ba-rang-e-aasiyaa aasmaan din bhar rahe gardish mein to shab-bhar zamin misl-e-khurshid aasmaan jaltaa hai aah-e-garm se kaanpti hai ThanDi saanson se miri thar-thar zamin jis jagah hain dafn qaatil teri mizhgaan ke shahid vaan evaz sabzi ke paidaa karti hai nashtar zamin saikDon is mein gae mahbub jaa-e-rashk hai rakhti hai aaghosh mein kyaa kyaa pari-paikar zamin aatish-e-furqat se aalam kora-e-aatish huaa aasmaan hai duud ham akhgar mein aur mujmar zamin ishq-e-khaal-e-yaar ne aisaa kiyaa zaar-o-nahif baiThe rahne ko mire kaafi hai ab til bhar zamin"
Khwaja Mohammad WazirKhwaja Mohammad Wazir
MaaIshq
Quote
"tire rukh kaa kise saudaa nahin hai gul-e-laala talak sahraa-nashin hai phiraa hai aap vo mah-ru hamaaraa tiraa ai aasmaan shikva nahin hai kahin aisaa na ho uTThe na talvaar yahi Dar hai ki qaatil naaznin hai na puchho mere aansu tum na puchho kahegaa koi tum ko khosha-chin hai adab se paa-barahna phirte hain ham junun farsh-e-ilaahi ye zamin hai buraa sab dushmanon kaa chaahte hain main khush huun jaise dil andoh-gin hai rahe mazmun-e-gham ki tarah is mein hamaaraa ghar hai yaa bait-e-hazin hai jahaan hai jalva-gar vo ghairat-e-maah ilaahi aasmaan hai yaa zamin hai banaayaa tujh ko aisaa khubsurat ki naazaan tujh pe surat-aafrin hai hain ishq-e-zulf mein aazaa bhi dushman hamaaraa haath maar-e-aastin hai na niklaa be tire main ghar se baahar nigah tak chashm mein khalvat-nashin hai falak jo chaahe ham par zulm kar le abhi to zabt-e-aah-e-aatishin hai paDaa hai tafraqa be-taabiyon se 'vazir' ab main kahin huun dil kahin hai"
Khwaja Mohammad WazirKhwaja Mohammad Wazir
DilMaa
Quote
"har uzv musaafir hai nahin kuchh safari aankh hai aakhir-e-shab umr charaagh-e-sahari aankh kyaa karti hai dilkash sukhan ai rashk-e-pari aankh lo siikh gai tarz-e-kalaam-e-bashri aankh un aankhon mein saanea ne bhare kuuT ke moti qismat ye hamaari hai ki ashkon se bhari aankh baatein jo karo naaz se tum munh ko chhupaa kar sunne ke liye kaan ho ai rashk-e-pari aankh aayaa hai mire dil kaa ghubaar aansuon ke saath lo ab to hui maalik-e-khushki-o-tari aankh ab tak vahi ronaa hai vahi hasrat-e-didaar ham mar gae is par bhi ye kaafir na mari aankh tayyaar kiyaa khaama-e-mu apne mizha se khincheinge magar naqsha-e-naazuk kamri aankh nargis pe nazar kiije dobaara ki vo kaT jaae ho jaae nazar-e-saani mein is ki nazari aankh sohbat kaa asar saahab-e-binish ko ho kyunkar ainak ho agar sabz na ho jaae hari aankh baaton ko zabaan misl-e-sukhan munh se nikal jaae nazzaare ko ho paa-e-nigah se safari aankh tir-e-mizha-e-yaar ko mizhgaan hi samajhte kis aankh se laDte hi sadaa balbe jari aankh raftaar to dikhlaa ke za-khud rafta banaa do nargis ki tarah hai hama-tan kabk-e-dari aankh daaman ki tarah chaak hue aankh ke parde o dast-e-junun se ki gai jaama-dari aankh jo ahl-e-nazar mein kabhi khud-bin nahin hoti dekho ki hai is aib-e-numaayaan se bari aankh kyaa qahr sivaa aayat-e-abru hui naazil Dar hai na kare daava-e-paighaambari aankh kashti vo liye nuuh ki maanind chale aaein tufaan bapaa kar shab-e-furqat mein ari aankh rahte hain 'vazir' ashk ki jaa TukDe jigar ke in rozon hui kaan-e-aqiq-e-jigri aankh"
Khwaja Mohammad WazirKhwaja Mohammad Wazir
SadDil

More on Sad

View all →
Quote
"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"
Irfan SattarIrfan Sattar
SadYaad
Quote
"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"
Irfan SattarIrfan Sattar
SadMaa
Quote
"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"
Irfan SattarIrfan Sattar
SadMaa
Quote
"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"
A
Aiman Amritsari
SadMaa
Quote
"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"
Musavvir SabzwariMusavvir Sabzwari
SadMaa