kisi maqaam se guzre nahin phisaltaa hai — Aalam Nizami

"hasin khvaab dikhaayaa dikhaa ke chhoD diyaa kisi ne apnaa banaayaa banaa ke chhoD diyaa jo us ki yaadon kaa dipak kabhi huaa raushan to aansuon se bujhaayaa bujhaa ke chhoD diyaa kiyaa na us ne mire dard ko kabhi mahsus hamesha dil ko dukhaayaa dukhaa ke chhoD diyaa bataataa kaise main hassaas ke ma'aani use so aaine ko uThaayaa uThaa ke chhoD diyaa main hausla na juTaa paayaa us ko chhune kaa naqaab rukh se haTaayaa haTaa ke chhoD diyaa kahin na us ki buraai mein ham hue shaamil nazar se jis ko giraayaa giraa ke chhoD diyaa bahut saliqe se us ne kiyaa nazar-andaaz qarib apne biThaayaa biThaa ke chhoD diyaa na un se rakkhi kabhi raushni ki ummidein diyon ko ham ne jalaayaa jalaa ke chhoD diyaa"

"dhuup mein qatra-e-shabnam ko taras jaaoge shahr mein gaanv ke mausam ko taras jaaoge zakhm itne tumhein aavaara-mizaaji degi gardish-e-vaqt ke marham ko taras jaaoge din mein jugnu ki tabaahi pe manaa lo khushiyaan shab mein chamkegaa to maatam ko taras jaaoge zindagi se kabhi aaraam talab mat karnaa dosto mehnat-e-paiham ko taras jaaoge aadamiyyat ke libaade mein raho tum varna ek din nisbat-e-aadam ko taras jaaoge aaj aasaani se miltaa huun to mil lo varna dekhne ke liye 'aalam' ko taras jaaoge"

"vo tohmatein na lagaataa to aur kyaa kartaa mire hunar na chhupaataa to aur kyaa kartaa khaDi thiin har-su mazaalim ki aandhiyaan phir main charaagh-e-haq na jalaataa to aur kyaa kartaa gharibi saath miraa de rahi thi bachpan se na us kaa saath nibhaataa to aur kyaa kartaa main chhaale maan ki hatheli pe dekhtaa kaise kamaane shahr na aataa to aur kyaa kartaa tamaam basti pareshaan thi raushni ke liye main apnaa ghar na jalaataa to aur kyaa kartaa samajh rahaa thaa farishta vo khud ko ai 'aalam' main aaina na dikhaataa to aur kyaa kartaa"

"chaahtaa jo bhi hai vo kah ke guzar jaataa hai dil-e-hassaas is ehsaas se mar jaataa hai zehn mein baat buzurgon ki tabhi baiThti hai jab javaani kaa nasha sar se utar jaataa hai jab anaa meri zarurat kaa galaa ghonTti hai rang khud-daari ke chehre kaa nikhar jaataa hai Dasne lagti hai miri khaana-badoshi mujh ko jab koi panchhi kabhi shaam ko ghar jaataa hai jhuTi taarif se hoti hai masarrat us ko aaina koi dikhaa de to biphar jaataa hai jurm kartaa hai koi aur yahaan par 'aalam' aur ilzaam kisi aur ke sar jaataa hai"

"kaise kah duun kahin e'laan nahin kartaa hai vo bhi khaamoshi se ehsaan nahin kartaa hai dil ko tahrik-e-taraqqi to bahut milti hai hausla phir bhi ye naadaan nahin kartaa hai aap ke naam se mansub hue hain jab se ab hamein koi pareshaan nahin kartaa hai kaam kartaa hai bahut ghair-zaruri lekin jo zaruri hai vo insaan nahin kartaa hai hai ye mumkin ho vahi shakhs munaafiq 'aalam' jo bazaahir koi nuqsaan nahin kartaa hai"

"apni khudi ko tum sar-e-baazaar bech kar zinda ho kaise daulat-e-kirdaar bech kar yaarab ye kyaa 'azaab hai nasl-e-jadid par karti hai aish purkhon ki dastaar bech kar haasil ki us ke beTe ne kursi mudir ki itnaa paDhaayaa baap ne akhbaar bech kar us bad-nasib baap ki majburiyaan na puchh khushiyaan kharidtaa hai jo ghar-baar bech kar mahngi bahut paDi mujhe suraj ki dosti pachhtaa rahaa huun saaya-e-divaar bech kar jin ko shu’ur-e-bandagi kartaa hai rab 'ataa jangal kharid lete hain ghar-baar bech kar 'aalam' isi tarah se jo ham muntashir rahe khaa jaaeinge vatan ko ye ghaddaar bech kar"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"raakh ke Dher pe kyaa shoala-bayaani karte ek qisse ki bhalaa kitni kahaani karte husn itnaa thaa ki mumkin hi na thi khud-nigari ek imkaan ki kab tak nigaraani karte shola-e-jaan ko bujhaate yunhi qatra qatra khud ko ham aag banaate tujhe paani karte phuul saa tujh ko mahaktaa huaa rakhte shab bhar apne saanson se tujhe raat ki raani karte naddiyaan dekhein to bas sharm se paani ho jaaein chashm-e-khun-basta se paidaa vo ravaani karte sab se kahte ki ye qissa hai puraanaa saahab aah ki aanch se tasvir puraani karte dar-o-divaar badalne mein kahaan ki mushkil ghar jo hotaa to bhalaa naql-e-makaani karte koi aa jaataa kabhi yunhi agar dil ke qarib ham tiraa zikr pae-yaad-dahaani karte sach to ye hai ki tire hijr kaa ab ranj nahin kyaa dikhaave ke liye ashk-fishaani karte dil ko har lahza hi di aql pe ham ne tarjih yaar-e-jaani ko kahaan dushman-e-jaani karte shab isi tarah basar hoti hai meri 'irfaan' harf-e-khush-rang ko andoh-e-maaani karte"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"ek taarik khalaa us mein chamaktaa havaa main ye kahaan aa gayaa hasti se saraktaa huaa main shola-e-jaan se fanaa hotaa huun qatra qatra apni aankhon se lahu ban ke Tapaktaa huaa main aagahi ne mujhe bakhshi hai ye naar-e-khud-soz ik jahannam ki tarah khud mein bhaDaktaa huaa main muntazir huun ki koi aa ke mukammal kar de chaak par ghumtaa bal khaataa daraktaa huaa main majmaa ahl-e-haram naqsh-ba-divaar udhar aur idhar shor machaataa huaa baktaa huaa main mere hi dam se mili saaat-e-imkaan use vaqt ke jism mein dil ban ke dhaDaktaa huaa main be-niyaazi se miri aate hue tang ye log aur logon ki tavajjoh se bidaktaa huaa main raat ki raat nikal jaataa huun khud se baahar apne khvaabon ke taaaqub mein humaktaa huaa main aisi yakjaai ki miT jaae tamiz-e-man-o-tu mujh mein khiltaa huaa tu tujh mein mahaktaa huaa main ik to vo husn-e-junun-khez hai aalam mein shuhud aur ik husn-e-junun-khez ko taktaa huaa main ek aavaaz paDi thi ki koi saail-e-hijr? aan ki aan mein pahunchaa thaa lapaktaa huaa main hai kashid-e-sukhan-e-khaas vadiat mujh ko ghumtaa phirtaa huun ye itr chhiDaktaa huaa main raaz-e-haq faash huaa mujh pe bhi hote hote khud tak aa hi gayaa 'irfaan' bhaTaktaa huaa main"

"kis ajab saaat-e-naayaab mein aayaa huaa huun tujh se milne main tire khvaab mein aayaa huaa huun phir vahi main huun, vahi hijr kaa dariyaa-e-amiq koi dam aks-e-sar-e-aab mein aayaa huaa huun kaise aaine ke maanind chamaktaa huaa main ishq ke shahr-e-abad-taab mein aayaa huaa huun meri har taan hai az-roz-e-azal taa-ba-abad ek sur ke liye mizraab mein aayaa huaa huun koi parchhaain kabhi jism se karti hai kalaam? be-sabab saaya-e-mahtaab mein aayaa huaa huun har guzarte hue lamhe mein Tapaktaa huaa mein dard huun, vaqt ke aasaab mein aayaa huaa huun kaisi gahraai se niklaa huun adam ki 'irfaan' kaise paayaab se taalaab mein aayaa huaa huun"

"dil mubtalaa-e-hijr rifaaqat mein rah gayaa lagtaa hai koi farq mohabbat mein rah gayaa is ghar ke do makin the ik peD aur main ye hijr to kisi ki sharaarat mein rah gayaa ik baar mana karti hui shaam se to puchh jo bhi judaa huaa vo haqiqat mein rah gayaa mumkin thaa tujh ko chhin hi letaa jahaan se lekin main kyaa karun main mohabbat mein rah gayaa ab tu hi meri khaali hatheli ki laaj rakh mujh se to koi farq ibaadat mein rah gayaa tujh par hai koi zoam na khud par yaqin 'nadim' kuchh din kaa ham mein pyaar to aadat mein rah gayaa"