SHAWORDS

kyon kar dikhaai deve koi sharar hamaaraa — Abbas Tabish

Home›Abbas Tabish›Ghazal
"kyon kar dikhaai deve koi sharar hamaaraa andar ki aag par hai raqs-e-digar hamaaraa taslim kijiye haq us shakhs par hamaaraa vo 'aam hai to hogaa hai khaas-kar hamaaraa fursat nahin hai yaaraan dil ki taraf se ham ko is paain-baagh mein hai sair-o-safar hamaaraa tujh ghar ke raaste mein ham apne muntazir the ai kaash us taraf se hotaa guzar hamaaraa ham khaak par raheinge yaa chaak par raheinge kyaa faisla kiyaa hai ai kuza-gar hamaaraa jab raat ki siyaahi peDon pe gir rahi thi jangal se ho rahaa thaa us dam guzar hamaaraa ham dekh kar kisi ko dariyaa mein kuud jaaein itnaa bhi haq nahin kyaa us shakhs par hamaaraa miTTi ko gholne mein khud ghul rahaa hai yaa'ni tausi' chaahtaa hai dast-e-hunar hamaaraa neze ki nok se vo miTTi mein DhunDte hain miltaa nahin hai un ko maqtal mein sar hamaaraa jab ban gayaa to is ki duniyaa misaal degi taa'mir ho rahaa hai malbe se ghar hamaaraa is ko khurach rahe hain patthar pe kaai jaise pairon pe jam gayaa hai shauq-e-safar hamaaraa donon taraf se ham to majbur ho gae hain koi idhar hamaaraa koi udhar hamaaraa ik dusre se jaise paivand ho gae hon rakkhaa hai haath kab se us haath par hamaaraa ab chauk mein paDe hain ham jangli kabutar ghurfe ki jaaliyon mein hotaa thaa ghar hamaaraa ik din khulegaa ham par ganjina-e-ma'aani kashkol toD degaa dast-e-hunar hamaaraa munh moD lein to duniyaa duniyaa nahin rahegi dekhaa nahin hai us ne sarf-e-nazar hamaaraa ab apne paanv apne dil par paDeinge 'taabish' andar ki samt hogaa aglaa safar hamaaraa"
Urdu

کیوں کر دکھائی دیوے کوئی شرر ہمارا اندر کی آگ پر ہے رقص دگر ہمارا تسلیم کیجیئے حق اس شخص پر ہمارا وہ عام ہے تو ہوگا ہے خاص کر ہمارا فرصت نہیں ہے یاراں دل کی طرف سے ہم کو اس پائیں باغ میں ہے سیر و سفر ہمارا تجھ گھر کے راستے میں ہم اپنے منتظر تھے اے کاش اس طرف سے ہوتا گزر ہمارا ہم خاک پر رہیں گے یا چاک‌ پر رہیں گے کیا فیصلہ کیا ہے اے کوزہ گر ہمارا جب رات کی سیاہی پیڑوں پے گر رھی تھی جنگل سے ہو رہا تھا اس دم گزر ہمارا ہم دیکھ کر کسی کو دریا میں کود جائیں اتنا بھی حق نہیں کیا اس شخص پر ہمارا مٹی کو گھولنے میں خود گھل رہا ہے یعنی توسیع چاہتا ہے دست ہنر ہمارا نیزے کی نوک سے وہ مٹی میں ڈھونڈتے ہیں ملتا نہیں ہے ان کو مقتل میں سر ہمارا جب بن گیا تو اس کی دنیا مثال دے گی تعمیر ہو رہا ہے ملبے سے گھر ہمارا اس کو کھرچ رہے ہیں پتھر پے کائی جیسے پیروں پے جم گیا ہے شوق سفر ہمارا دونوں طرف سے ہم تو مجبور ہو گئے ہیں کوئی ادھر ہمارا کوئی ادھر ہمارا اک دوسرے سے جیسے پیوند ہو گئے ہوں رکھا ہے ہاتھ کب سے اوس ہاتھ پر ہمارا اب چوک میں پڑے ہیں ہم جنگلی کبوتر غرفے کی جالیوں میں ہوتا تھا گھر ہمارا اک دن کھلے گا ہم پر گنجینۂ معانی کشکول توڑ دے گا دست ہنر ہمارا منہ موڑ لیں تو دنیا دنیا نہیں رہے گی دیکھا نہیں ہے اس نے صرف نظر ہمارا اب اپنے پاؤں اپنے دل پر پڑیں گے تابشؔ اندر کی سمت ہو گا اگلا سفر ہمارا

Hindi

क्यों कर दिखाई देवे कोई शरर हमारा अन्दर की आग पर है रक़्स-ए-दिगर हमारा तस्लीम कीजिए हक़ उस शख़्स पर हमारा वो 'आम है तो होगा है ख़ास-कर हमारा फ़ुर्सत नहीं है याराँ दिल की तरफ़ से हम को इस पाईं-बाग़ में है सैर-ओ-सफ़र हमारा तुझ घर के रास्ते में हम अपने मुंतज़िर थे ऐ काश उस तरफ़ से होता गुज़र हमारा हम ख़ाक पर रहेंगे या चाक पर रहेंगे क्या फ़ैसला किया है ऐ कूज़ा-गर हमारा जब रात की सियाही पेड़ों पे गिर रही थी जंगल से हो रहा था उस दम गुज़र हमारा हम देख कर किसी को दरिया में कूद जाएँ इतना भी हक़ नहीं क्या उस शख़्स पर हमारा मिट्टी को घोलने में ख़ुद घुल रहा है या'नी तौसी' चाहता है दस्त-ए-हुनर हमारा नेज़े की नोक से वो मिट्टी में ढूँडते हैं मिलता नहीं है उन को मक़्तल में सर हमारा जब बन गया तो इस की दुनिया मिसाल देगी ता'मीर हो रहा है मलबे से घर हमारा इस को खुरच रहे हैं पत्थर पे काई जैसे पैरों पे जम गया है शौक़-ए-सफ़र हमारा दोनों तरफ़ से हम तो मजबूर हो गए हैं कोई इधर हमारा कोई उधर हमारा इक दूसरे से जैसे पैवंद हो गए हों रक्खा है हाथ कब से उस हाथ पर हमारा अब चौक में पड़े हैं हम जंगली कबूतर ग़ुर्फ़े की जालियों में होता था घर हमारा इक दिन खुलेगा हम पर गंजीना-ए-म'आनी कश्कोल तोड़ देगा दस्त-ए-हुनर हमारा मुँह मोड़ लें तो दुनिया दुनिया नहीं रहेगी देखा नहीं है उस ने सर्फ़-ए-नज़र हमारा अब अपने पाँव अपने दिल पर पड़ेंगे 'ताबिश' अन्दर की सम्त होगा अगला सफ़र हमारा

Abbas TabishAbbas TabishDilRaatMaaSafar
kyoñ kar dikhā.ī deve koī sharar hamārā
Abbas Tabish
Abbas Tabish
Abbas Tabish
poet195 quotes

More by Abbas Tabish

View all →
Quote
"dukhon kaa dasht aankhon kaa samundar chhoD aayaa huun jo ghar mein laa na sakta thaa vo baahar chhoD aayaa huun tum agli baarishon ke baa'd jaakar dekhnaa pyaare tumhaaraa naam divaaron pe likh kar chhoD aayaa huun mohabbat ki hai us ghar mein rihaaish to nahin ki hai abhi to sirf darvaaze pe bistar chhoD aayaa huun tiri baanhon mein aa kar bhi yahi mahsus hotaa hai ki khud ko vaqt ke rahm-o-karam par chhoD aayaa huun abhi kuchh der mein phailegi khushbu saari basti mein vahaan ke ik dariche mein gul-e-tar chhoD aaya huun khudaa-na-khvaasta main bhi agar banbaas luun 'taabish' vahaan kis ko bataaungaa bharaa ghar chhoD aaya huun"
Abbas TabishAbbas Tabish
GulMohabbat
Quote
"koi Takraa ke subuk-sar bhi to ho saktaa hai meri taamir mein patthar bhi to ho saktaa hai kyuun na ai shakhs tujhe haath lagaa kar dekhun tu mire vahm se baDh kar bhi to ho saktaa hai tu hi tu hai to phir ab jumla jamaal-e-duniyaa teraa shak aur kisi par bhi to ho saktaa hai ye jo hai phuul hatheli pe ise phuul na jaan meraa dil jism se baahar bhi to ho saktaa hai shaakh par baiThe parinde ko uDaane vaale peD ke haath mein patthar bhi to ho saktaa hai kyaa zaruri hai ki baahar hi numu ho meri meraa khilnaa mire andar bhi to ho saktaa hai ye jo hai ret kaa Tiila mire qadmon ke tale koi dam mein mire uupar bhi to ho saktaa hai kyaa zaruri hai ki ham haar ke jitein 'taabish' ishq kaa khel baraabar bhi to ho saktaa hai"
Abbas TabishAbbas Tabish
DilMaa
Quote
"isi liye to ye shaamein ujaDne lagti hain ki lau baDhaa ke havaaein sukaDne lagti hain main kaise apne tavaazun ko barqaraar rakhun qadam jamaaun to saansein ukhaDne lagti hain yunhi nahin mujhe dariyaa ko dekhne se gurez sunaa hai paani mein shaklein bigaDne lagti hain isi liye to havaa apne ghar nahin jaati ki us ke baa'd ye galiyaan ujaDne lagti hain rahein khamosh to honTon se khuun Tapaktaa hai karein kalaam to khaalein udhaDne lagti hain agar main saans bhi aahista se na luun 'taabish' mire badan mein daraaDein si paDne lagti hain"
Abbas TabishAbbas Tabish
Maa
Quote
"yuun to shiraaza-e-jaan kar ke baham uThte hain baiThne lagtaa hai dil junhi qadam uThte hain ham to is razm-gah-e-vaqt mein rahte hain jahaan haath kaT jaaein to daanton se alam uThte hain sahl angaar-tabiat kaa buraa ho jis se naaz uThte hain tire aur na sitam uThte hain koi raunde to uThaate hain nigaahein apni varna miTTi ki tarah raah se kam uThte hain niind jaati hi nahin arz-e-hunar se aage daftar-e-gham hi sadaa kar ke raqam uThte hain din ki aaghosh-e-razaaat se nikal kar 'taabish' raat ki raat kaf-e-khaak se ham uThte hain"
Abbas TabishAbbas Tabish
SadDil

More on Dil

View all →
Quote
"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"
Mahmood NashtariMahmood Nashtari
YaadDil
Quote
"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"
Bushra MasuudBushra Masuud
DilMaa
Quote
"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"
Anees QalbAnees Qalb
DilKhudi
Quote
"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"
M
Muztar Muzaffarpuri
DilRaat