zindagi dushvaar hogi ye kabhi sochaa na thaa — Anees Qalb

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"musibat aai hai to phir musibat se na ghabraanaa diye kaa kaam hai aakhir savere tak jale jaanaa guzaari hijr ki raatein tumhaari yaad mein aksar kabhi jo milne aa jaao bahal jaaegaa divaana nahin hai rashk mujh ko to haveli aur daulat kaa main miTTi kaa huun paikar aur isi mein mujh ko mil jaanaa junun mein raqs karte hi fanaa ho jaaegaa aakhir qarib-e-shama aayaa hai vo dekho ek parvaana na sahraa mein na dariyaa mein na jangal mein bayaabaan mein kahaan par aa gayaa huun main zaraa ye mujh ko samjhaanaa main aavaara saa ik laDkaa maaashi fikr mein uljhaa yahi hai daastaan meri yahi hai meraa afsaana jahaan mahbub ho tum 'qalb' sajda us jagah rakhnaa haram ho dair ho chaahe kalisaa ho yaa but-khaana"

"apne badan ki aag mein jalnaa paDaa mujhe phir ye huaa ki raakh mein Dhalnaa paDaa mujhe aasaan itni hoti nahin raah ishq ki phulon ke saath kaanTon pe chalnaa paDaa mujhe suraj ghamon kaa sar pe rahaa hai tamaam umr aur qatre qatre roz pighalnaa paDaa mujhe main jaantaa thaa dukh bahut hogaa mujhe magar us ki gali se ho ke nikalnaa paDaa mujhe kab tak main chhuptaa rahtaa bhalaa tirgi se 'qalb' phir misl-e-aaftaab nikalnaa paDaa mujhe"

"zinda huun abhi main mujhe be-dam na samajhnaa haalaat se is darja bhi barham na samajhnaa laaegaa junun rang miraa dekhnaa ik din shoala hi samajhnaa mujhe shabnam na samajhnaa duniyaa ye tire khvaab si raushan bhi nahin hai aasaan tu duniyaa ko ai hamdam na samajhnaa 'mahshar' hain ‘dilaavar’ hain hain ‘irfaan’-o-‘asad’ bhi main bhi huun badaayun se mujhe kam na samajhnaa kyaa dekhte ho 'qalb' mire ashk-e-alam ko aansu hai miri aankh kaa zamzam na samajhnaa"

"naa-aashnaa gar mujh se mire yaar na hote haalaat se ham aise to bezaar na hote is tarah mujhe aap ne chhoDaa nahin hotaa daaman mein mire phuul the ye khaar na hote hote na zulekhaa se kharidaar to shaayad yusuf ke liye misr ke baazaar na hote kar detaa agar ham pe inaayat ki nazar tu phir teri nazar ke hi talabgaar na hote khalte na mujhe shaam-o-sahar ke ye ujaale jo jurm-e-mohabbat ke sazaa-vaar na hote phir ishq mein kartaa na main ehsaas-e-nadaamat tum jaise bhi hote pa jafaa-kaar na hote ham ko bhi kahaan shauq thaa mai-khvaari kaa saaqi gar ishq na hotaa to yuun mai-khvaar na hote har khvaab ki taabir hi ho jaati mukammal ham kaash tire ishq mein bedaar na hote afsurda saa dariyaa thaa to kyaa chaahte saahil ham vo the shanaavar jo kabhi paar na hote hote na sadaf 'qalb' tiri aankh ke khaali palkon pe agar abr-e-guhar-baar na hote"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"bahut khajil hain ki ham raaegaan bhi zinda rahe jahaan pe tu bhi nahin thaa vahaan bhi zinda rahe ajiib shart hai is be-yaqin mizaaj ki bhi ki tu bhi paas ho teraa gumaan bhi zinda rahe tujhe pe zid hai magar is tarah nahin hotaa ki tu bhi zinda rahe daastaan bhi zinda rahe vo kaun log the jin kaa vajud jism se thaa ye kaun hain jo pas-e-jism-o-jaan bhi zinda rahe jo ye na ho to sukhan kaa koi javaaz nahin zamir zinda rahe to zabaan bhi zinda rahe ye kaaenaat faqat manfaat kaa naam nahin koi yahaan pe baraae ziyaan bhi zinda rahe adam mein jo bhi nahin thaa vo sab vajud mein thaa ye ham hi the jo kahin darmiyaan bhi zinda rahe"