Ghazal

"kahaan mumkin hai poshida gham-e-dil kaa asar honaa labon kaa khushk ho jaanaa bhi hai aankhon kaa tar honaa ghazab mil kar judaa mujh se tiraa o fitna-gar honaa sitam naalon kaa pur-taasir ho kar be-asar honaa jigar mein dard lab par naala-e-vahshat asar honaa ayaan kartaa hai ik rashk-e-pari kaa dil mein ghar honaa ghazab naala-kashi ik sahib-e-ismat ke kuche mein sitam ai dil kisi parda-nashin kaa parda-dar honaa vo un kaa chupke chupke muskuraanaa khuun rone par vo meraa dil hi dil mein vaasif-e-rang-e-asar honaa jo tanhaa paas manzil dil ko shaayaan hai mohabbat mein to aankhon ko hai laazim dida-e-hasrat-nagar honaa qayaamat thaa sitam thaa qahr thaa khalvat mein o zaalim vo sharmaa kar tiraa meri baghal mein jalva-gar honaa sitam ki jaur ki bedaad ki kaafi shahaadat hai judaai mein miraa betaab be-khud be-khabar honaa"

"muhit-e-rahmat hai josh-afzaa hui hai abr-e-sakhaa ki aamad khudaa ki har chiiz kah rahi hai ki ab hai nur-e-khudaa ki aamad falak ko hai aarzu ki jhuk kar main apne taare karun nichhaavar hui hai makka ki sar-zamin pe ye aaj kis mah-laqaa ki aamad har ik muhib par ye fazl-e-rab hai asar ko naalon ki khud talab hai magar us altaaf kaa sabab hai habib-e-rabb-ul-alaal ki aamad 'hijaab' paiham ye kah rahaa hai gunaahgaaron ne josh-e-rahmat mubaarak ai aasiyo mubaarak shafi-e-roz-e-jazaa ki aamad"

"maza detaa hai yaad aa kar tiraa bismil banaa denaa lagaa denaa zaraa tir-e-nazar haan phir lagaa denaa vo meraa be-khudi mein us ke munh se munh milaa denaa qayaamat ek chup kaa phir vo donon ko sazaa denaa adaa-e-sharm ho khalvat mein yaa andaaz shokhi ke tire har naaz par ham ko to jaan ai dilrubaa denaa hamaaraa aarzu-e-bosa karnaa tujh se dar-parda tiraa dushnaam denaa aur kyaa kyaa barmalaa denaa sifaarish ham-damon ki un kaa jaate vaqt ye kahnaa ki jab taDpe miri tasvir siine se lagaa denaa na hone paae vaaqif lazzat-e-taazir se dushman mazaahir chand ho us ki magar ham ko sazaa denaa udhar us lab se niklaa shokh chitvan ko na denaa dil udhar chashm-e-sukhan-go ne ishaaron mein kahaa denaa labon se lab milaa lein vasl mein siine se yaa siina magar mumkin nahin us but ke dil se dil milaa denaa agar ahd-e-vafaa se tu bhi phir jaae mohabbat mein 'hijaab' us shokh ko maalum ho jaae daghaa denaa"

"aanaa bhi aane vaale kaa afsaana ho gayaa dushman ke kahne sunne se kyaa kyaa na ho gayaa kyaa faizyaab sohbat-e-rindaana ho gayaa dam-bhar mein shaikh saaqi-e-mai-khaana ho gayaa sunte hain band phir dar-e-mai-khaana ho gayaa duur ayaagh-o-shaghl-e-mul afsaana ho gayaa milne ke baad baiTh rahaa pher kar nigaah zaalim yagaana hote hi begaana ho gayaa apnon se bhi ziyaada jo paayaa niyaaz-mand vo be-niyaaz aur bhi begaana ho gayaa naa-aashnaa rahaa to yagaana banaa rahaa hote hi aashnaa koi begaana ho gayaa maanaa ki muddai se koi muddaaa na thaa phir kyaa sabab thaa tark jo yaaraana ho gayaa kis tarah apni khaana-kharaabi ayaan kare vo dil jo parde vaalon kaa kaashaana ho gayaa aane kaa vaada kar ke vo hanste hue chale maalum abhi se lutf-e-qadimaana ho gayaa jaan is dilaavari se tire manchale ne di maqtal mein shor-e-himmat-e-mardaana ho gayaa phir bhi savaal-e-vasl kaa mauqa nahin milaa sau baar go kalaam-e-kalimaana ho gayaa vo dil-jalaa thaa main ki tiri sham-e-husn par jal kar nisaar surat-e-parvaana ho gayaa majnun jo ban gayaa kisi lailaa-adaa kaa main phir kyaa thaa najd khud miraa viraana ho gayaa gesu banaae jaaiye aap apne shauq se ho jaane dijiye jo main divaana ho gayaa pi li 'hijaab' haath hi se aaj main ne mai chullu miraa mire liye paimaana ho gayaa"

"vo maqtal mein agar khinche hue talvaar baiThe hain to ham bhi jaan dene ke liye tayyaar baiThe hain dar-e-pir-e-mughaan par is tarah mai-khvaar baiThe hain ki kuchh makhmur baiThe hain to kuchh sarshaar baiThe hain agar vo gaaliyaan dene par aamaada hain khalvat mein to ham bhi arz-e-matlab ke liye tayyaar baiThe hain galaa main kaaT luun khud ik ishaara ho jo abru kaa vo kyuun mere liye khinche hue talvaar baiThe hain sahaaraa jab diyaa hai kuchh umid-e-vasl ne aa kar to uTh kar bistar-e-gham se tire bimaar baiThe hain hijaab un se vo meraa puchhnaa sar rakh ke qadmon par sabab kyaa hai jo yuun mujh se khafaa sarkaar baiThe hain"

"ishq par daana nahin mohtaaj-e-tahrik-e-jamaal jalne vaalaa jal bujhegaa sham-e-sozaan dekh kar ai maaaz-allaah vahshi aur salaamat pairahan sharm daaman-gir hoti hai garebaan dekh kar"

"saare kushton se judaa Dhang iztiraab-e-dil kaa hai kyuun na ho bismil bhi to kis chulbule qaatil kaa hai chhup nahin saktaa vo khuun apne dil-e-bismil kaa hai miT nahin saktaa jo dhabba daaman-e-qaatil kaa hai imtihaan madd-e-nazar kis manchale bismil kaa hai maa'rka aaraa jo yuun har naaz us qaatil kaa hai be-ijaazat uTh ke siina se lagaae aap ko hausla itnaa bhi ik armaan vaale dil kaa hai aap ko yaad aa gaiin hain kis ki bazm-aaraaiyaan hazrat-e-dil kahiye to qasd aaj kis mahfil kaa hai us taraf machlaa huaa hai vasl mein vo chulbulaa is taraf josh iztiraab-e-aarzu-e-dil kaa hai vasl ki shab khuun karnaa aarzu-e-vasl kaa o tamannaaon ke dushman kaam ye qaatil kaa hai maarka-aaraaiyaan hain aaj husn-o-ishq ki saamnaa is jalva-gah mein dilrubaa se dil kaa hai apne aadhi raat ko aane kaa baais kyuun bane vo kahin qaail bhi jazb-e-ulfat-e-kaamil kaa hai maut aai hai mujhe o bahr-e-khubi vasl mein meraa beDaa Dubne vaalaa lab-e-saahil kaa hai siina se siina milaa denaa to kuchh mushkil nahin yaar mushkil to tire dil se milaanaa dil kaa hai shokhi-e-qaatil mein hai bismil kaa rang-e-iztiraab rang bismil ki taDap mein shokhi-e-qaatil kaa hai"

"khinch kar talvaar jab tark-e-sitamgar rah gayaa haae re shauq-e-shahaadat main taDap kar rah gayaa milte milte rah gai aankh us ki chashm-e-mast se hote hote lab-ba-lab saaghar se saaghar rah gayaa aap hi se be-khabar koi rahaa vaade ki shab kyaa khabar kis ki baghal mein kab vo dilbar rah gayaa le liyaa main ne kinaara shauq mein yuun dafatan shokhiyaan bhulaa vo khalvat mein jhijak kar rah gayaa tujh se qaatil kah diyaa thaa dil kaa ye armaan hai dekh le aakhir mire siine mein khanjar rah gayaa muddaton se sina-e-bismil hai jis qaatil kaa ghar kyaa huaa dil mein agar aaj us kaa khanjar rah gayaa chal diye hosh-o-khirad to mai-kashon ke chal diye rah gayaa haan mai-kade mein daur-e-saaghar rah gayaa sakht khajlat hogi dekh ai shauq-e-uryaani mujhe aaj agar ik taar bhi baaqi badan par rah gayaa kaun kahtaa hai makaan-e-ghair par tum kyuun rah gae arz to ye hai ki raste mein miraa ghar rah gayaa paarsaai shaikh-saahab ki dhari rah jaaegi dast-e-saaqi mein agar dam-bhar bhi saaghar rah gayaa jis ke aane ki khushi mein kal se vaarafta the tum aaj bhi aate hi aate vo sitamgar rah gayaa"