Ghazal

"vahi sitaara shab-e-gham kaa ik sitaara hai vo ik sitaara jo chashm-e-sahar mein rahtaa hai khuli fazaa kaa payaami havaa kaa baasi hai kahaan vo halqa-e-divaar-o-dar mein rahtaa hai jo mere honTon pe aae to gungunaaun use vo sher ban ke bayaaz-e-nazar mein rahtaa hai guzartaa vaqt miraa gham-gusaar kyaa hogaa ye khud taaaqub-e-shaam-o-sahar mein rahtaa hai miraa hi ruup hai tu ghaur se agar dekhe bagula saa jo tiri rahguzar mein rahtaa hai na jaane kaun hai jis ki talaash mein 'bismil' har ek saans miraa ab safar mein rahtaa hai"

"vafaa ko jagmagaanaa chaahte hain ham apnaa dil jalaanaa chaahte hain hamein tum apne daaman mein chhupaa lo musaafir hain Thikaana chaahte hain puraane zakhm bhar jaane se pahle nai ik choT khaanaa chaahte hain tumhaari yaad ke sayyaal moti meri palkon tak aanaa chaahte hain dar-e-dil par khaDe hain gham hazaaron ye panchhi aashiyaana chaahte hain ye aankhein aur bhar aati hain 'bismil' agar ham muskuraanaa chaahte hain"

"teri surat na jab dikhaai de koi rasta nahin sujhaai de aap tark-e-taalluqaat kare aap ilzaam-e-bevafaai de qurb jis kaa hai zindagi meri vo mujhe ranj-e-naarsaai de main samaaat pe bhi yaqin kar luun teri aavaaz to sunaai de hijr si lag rahi hai qurbat bhi kaun gham se mujhe rihaai de jaantaa hi nahin jo naam-e-vafaa mujh ko ilzaam-e-bevafaai de kahaan khud ko chhupaaein ai 'bismil' vo jo ummid-e-ru-numaai de"

"sahar hui to khayaalon ne mujh ko gher liyaa jab aai shab tire khvaabon ne mujh ko gher liyaa mire labon pe abhi naam thaa bahaaron kaa hujum-e-shauq mein khaaron ne mujh ko gher liyaa kabhi junun ke zamaane kabhi firaaq-rutein kahaan kahaan tiri yaadon ne mujh ko gher liyaa nikal ke aa to gayaa gahre paaniyon se magar kai tarah ke saraabon ne mujh ko gher liyaa ye ji mein thaa ki nikal jaaun tujh se duur kahin ki tere dhyaan ki baanhon ne mujh ko gher liyaa jab aayaa iid kaa din ghar mein bebasi ki tarah to mere phuul se bachchon ne mujh ko gher liyaa hujum-e-ranj se kaise nikal sake 'bismil' tiri talaash ke rishton ne mujh ko gher liyaa"

"hairaan huun ki ab laaun kahaan se main zabaan aur lab kahte hain kuchh aur unhein hotaa hai gumaan aur jaaein to kahaan jaaein mohabbat ke kharidaar arbaab-e-siyaasat ne to kholi hai dukaan aur maalum nahin hai mire sayyaad ko shaayad ghuTti hai agar saans to khulti hai zabaan aur ab vaada-e-fardaa mein kashish kuchh nahin baaqi dohraai hui baat guzarti hai giraan aur dekhegi jo ik pal mein miri aankh se tujh ko ho jaaegi duniyaa tiri jaanib nigaraan aur lag jaati hain mohrein si labon par unhein mil kar hotaa hai magar dil ke dhaDakne kaa samaan aur khulti hain nahin hashr ke din bhi miri aankhein shaayad ki muqaddar mein hai ik khvaab-e-giraan aur ham raakh hue us pe magar aanch na aai jalne kaa samaan aur jalaane kaa samaan aur go arz-o-talab ek hasin shaghl hai lekin is khel mein baDh jaataa hai andesha-e-jaan aur mearaaj-e-takallum hai khamoshi miri 'bismil' aati hi nahin koi mujhe tarz-e-fughaan aur"

"apne ghamon ki baat nahin hai hansi ki baat is rang mein bhi karte hain ham zindagi ki baat daanishvaron ki bazm mein logo kahaan chale lo meri vahshaton se suno aagahi ki baat ahl-e-khirad pe farz huaa sajda-e-junun mahfil mein jab chhiDi miri divaangi ki baat barbaad hain bagule pareshaan shamim-e-gul pahunchi kahaan kahaan tiri aavaargi ki baat kyaa kyaa zamaana mujh pe lagaae na tohmatein lahja badal ke kah duun agar aap hi ki baat hai apni apni sab ko hi 'bismil' paDi hui suntaa nahin hai ghaur se koi kisi ki baat"

"vo aks ban ke miri chashm-e-tar mein rahtaa hai ajiib shakhs hai paani ke ghar mein rahtaa hai vahi sitaara shab-e-gham kaa ik sitaara hai vo ik sitaara jo chashm-e-sahar mein rahtaa hai khuli fazaa kaa payaami havaa kaa baasi hai kahaan vo halqa-e-divaar-o-dar mein rahtaa hai jo mere honTon pe aae to gungunaaun use vo sher ban ke bayaaz-e-nazar mein rahtaa hai guzartaa vaqt miraa gham-gusaar kyaa hogaa ye khud taaaqub-e-shaam-o-sahar mein rahtaa hai miraa hi ruup hai tu ghaur se agar dekhe bagula saa jo tiri rahguzar mein rahtaa hai na jaane kaun hai jis ki talaash mein 'bismil' har ek saans miraa ab safar mein rahtaa hai"