Ghazal

"koi pari ho agar ham-kanaar holi mein to ab ki saal ho duuni bahaar holi mein kiyaa hai vaada to phir bazm-e-raqs mein aanaa na kijiyo mujhe tum sharmsaar holi mein safed pairahan ab to utaar de allaah basanti kapDe hon ai gul-ezaar holi mein hamaare ghar mein utaareinge raah agar bhule hain mast Doli ke un ke kahaar holi mein mujhe jo qumquma maaraa to kar diyaa bismil ajiib rang se khele shikaar holi mein ye rang paash hue hain vo aaj ai 'naadir' hai farsh-e-bazm-e-tarab laala-zaar holi mein"

"dil mujhe kufr aashnaa na kare banda but kaa huun main khudaa na kare kaaTti hai patang ghairon ki ham se takkal tire uDaa na kare sulh manzur hai agar tum ko aankh aghyaar se laDaa na kare kyuun na aanchal dupaTTe kaa laTke ho pari-zaad par lagaa na kare hai vo but ab to mahv-e-yaktaai Dar khudaa kaa na ho to kyaa na kare paDhe 'naadir' jo sher-e-tarz-e-jadid sun ke kyuun khalq vaah-vaa na kare"

"tashrif shab-e-vaa'da jo vo laae hue hain sar kham hai nazar nichi hai sharmaae hue hain rukh par jo siyah-zulf ko ko bikhraae hue hain vo chaudhvin ke chaand hain gahnaae hue hain phulon se sivaa hai badan-e-paak mein khushbu kab 'itr lagaane se vo itraae hue hain hammaam mein jaane ke liye kyaa kahe koi vo to araq-e-sharm mein nahlaae hue hain"

"sar kaTaa kar sifat-e-shama jo mar jaate hain naam raushan vahi aafaaq mein kar jaate hain laakhon kaa khuun bahaaenge vo jab honge javaan jo laDakpan mein lahu dekh ke Dar jaate hain jumbish-e-tegh-e-nigah ki nahin haajat aslan kaam meraa vo ishaaron hi mein kar jaate hain un ko ushshaaq hi ke dil ki nahin hai takhsis koi shisha ho pari ban ke utar jaate hain barq ki tarah se betaab jo hain ai 'naadir' taar-ghar kis ki vo lene ko khabar jaate hain"

"ruuh tanhaa gai jannat ko subuk-saari se chaar ke kaandhe uThaa jism giraanbaari se taaq taaqat hai gham-e-hijr ki bimaari se baiThte uThte hain aahon ki madad-gaari se husn-e-rukhsaar baDhaa khat ki numudaari se zinat-e-safha hui jadval-e-zangaari se tu jo talvaar se nahlaae lahu mein mujh ko ghusl-e-sehhat huaa bhi ishq ki bimaari se aur to tark kiyaa sab ne shab-e-furqat mein bekasi baaz na aai miri gham-khvaari se"

"ai but hain husn mein tiri mashhur pinDliyaan aisi kahaan se laae pari huur pinDliyaan mumkin nahin ki yuun to kisi ki nazar paDe khul jaaein niind mein to hain maazur pinDliyaan bedaariyon mein aaiin nazar ye to hai muhaal makhfi hain vaqt-e-khvaab ba-dastur pinDliyaan taabaan misaal-e-shama hain faanus-e-nur se har-chand paaichon mein hain mastur pinDliyaan ai 'naadir' un ke husn ki taarif kyaa likhun sham-e-lagan se baDh ke hain pur-nur pinDliyaan"

"phulon ko apne paanv se Thukraae jaate hain mal kar vo itr baagh mein itraae jaate hain ai dil qaraar sabr hai laazim firaaq mein betaabiyon se kyaa vo tiri aae jaate hain aae hain din bahaar ke sayyaad kah rahaa taair qafas mein baagh ke ghabraae jaate hain chuhlon se chheD-chhaaD se vaaqif nahin hain vo kyaa gudgudaaiye ki vo sharmaae jaate hain tar sharm ke pasine se aise hue hain raat malbus-e-khaas dhuup mein sukhlaae jaate hain naazuk kamar vo aise hain vaqt-e-khiraam-e-naaz zulfein jo kholte hain to bal khaae jaate hain shukr-e-khudaa-e-paak hai ai 'naadir'-e-hazin ummat mein ham rasul ki kahlaae jaate hain"

"dil aankhon se aashiq bachaae hue hain hiran ko vo chitaa banaae hue hain nahin likhte hain khat jo ham ko vo qaasid kisi ke sikhaae paDhaaye hue hain na khanjar uThegaa na talvaar un se vo baazu mire aazmaae hue hain agar un ko puujaa to kyaa kufr hogaa ki but bhi khudaa ke banaae hue hain koi baandho na baandhe ab kuchh na hogaa ki ham rang apnaa jamaae hue hain hazaj mein bhi ashaar ai 'naadir' ab paDh ki bazm-e-sukhan mein sab aae hue hain"