ek hijrat bhi kam nahin hoti — Aadil Muzaffarpuri

vaa'da amir-e-shahr kaa dariyaa-dili kaa thaa
dekh un kaa faiz shahr ko dariyaa banaa diyaa

aisaa nahin ki main koi gumnaam shakhs huun
sab jaante hain mujh ko main ik ‘aam shakhs huun

urdu mein baat kijiye urdu mein boliye
haq hai zabaan kaa pyaar kaa ras is mein gholiye

hijr mein ik maah ke aansu hamaare gir paDe
aasmaan TuuTaa shab-e-furqat sitaare gir paDe

shab-e-hijr kaa maajraa koele se
likhaa jaa ke main us ke divaar-o-dar par

bahut dinon mein mohabbat ko ye huaa maalum
jo tere hijr mein guzri vo raat raat hui

abhi se tujh ko paDi hai visaal ki miri jaan
abhi to hijr ne unvaan hi nahin paayaa

hijr kaa maaraa huun Table par yahi sab paaoge
adh-likhe khat bikhraa album aur khaali botalein

daaman pe loTne lage gir gir ke tifl-e-ashk
roe firaaq mein to dil apnaa bahal gayaa