urdu mein baat kijiye urdu mein boliye — Aadil Muzaffarpuri

vaa'da amir-e-shahr kaa dariyaa-dili kaa thaa
dekh un kaa faiz shahr ko dariyaa banaa diyaa

ek hijrat bhi kam nahin hoti
aankh kis kis ki nam nahin hoti

aisaa nahin ki main koi gumnaam shakhs huun
sab jaante hain mujh ko main ik ‘aam shakhs huun

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

sabhi se jab mohabbat chaahte ho
mohabbat kyon nahin karte sabhi se

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

sau fasaad ek ishq mein uTThe
boyaa ik tukhm uge hazaar darakht