thaa kisi gum-karda-e-manzil kaa naqsh-e-be-sabaat — Abdul Rahman Bazmi

chhalak jaati hai ashk-e-garm ban kar meri aankhon se
Thaharti hi nahin sahbaa-e-dard in aabginon mein

abas DhunDaa kiye ham naa-khudaaon ko safinon mein
vo the aasuda-e-saahil mile saahil-nashinon mein

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

asaatiza ne miraa haath thaam rakkhaa hai
isi liye to main pahunchaa huun apni manzil par

uDaa ke khaak bahut main ne dekh li ai 'zeb'
vahaan talak to koi raasta nahin jaataa