kyaa bharosa zindagi kaa ham karein — Abhishek Kumar Amber

vo ab bhi dil dukhaa detaa hai meraa
vo meraa dost hai dushman nahin hai

tumhaare saath rahne ke liye bhi
hamein koi bahaana chaahiye ab

us ne puchhaa hai kyaa mohabbat hai
ab bhalaa kyaa javaab duun us ko

ek din lauT kar main aaungaa
ho sake intizaar kar lenaa

teraa afsaana chheD kar koi
aaj jaagegaa raat-bhar koi

vo mire saath yuun rahaa jaise
kaaTtaa ho koi sazaa jaise

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

intizaar aur dastakon ke darmiyaan kaTti hai umr
itni aasaani se to baab-e-hunar khultaa nahin

zindagi sundar ghazal hai dosto
zindagi ko gungunaanaa chaahiye

phir usi bevafaa pe marte hain
phir vahi zindagi hamaari hai