Time

meraa hi khat us shokh ne bhejaa mire aage
aakhir jo likhaa thaa vahi aayaa mire aage

aaina huun ki main patthar huun ye kab puchhe hai
ziist mujh se mere jiine kaa sabab puchhe hai
munkashif hone lage jab se rumuz-o-asraar
kuchh savaal ab dil-e-maasum ajab puchhe hai …

khud ko kyaa khuun rulaaoge bataao to sahi
tum mujhe kaise bhulaaoge bataao to sahi
aise chup-chaap tumhein main nahin jaane dungaa
tum kabhi lauT ke aaoge bataao to sahi …

shabnam-aalud palak yaad aai
gul-e-aariz ki jhalak yaad aai
phir sulagne lage yaadon ke khanDar
phir koi taak-e-khunak yaad aai …

zehn-o-dil mein basi hain divaarein
jaane kab se khaDi hain divaarein
dhuup utre bhi kaise aangan mein
har taraf to khaDi hain divaarein …

khvaab-mahal mein kaun sar-e-shaam aa kar patthar maartaa hai
roz ik taaza kaanch kaa bartan haath se gir kar TuTtaa hai
makDi ne darvaaze pe jaale duur talak bun rakkhe hain
phir bhi koi guzre dinon ki oT se andar jhaanktaa hai …

jaise bhi hain rishte-naate rahne do
mat khincho ye kachche dhaage rahne do
mujh ko paagal tanhaa karnaa Thiik nahin
aag pichhe do hamsaae rahne do …

kitnaa main aur chal ke dikhaaun mire khudaa
dukhne lage hain ab mire paanv mire khudaa
har pal ki dhuup mere badan ko jalaa na de
likh de mire nasib mein chhaanv mire khudaa …

husn ki sar-phiri purvaai se Dar lagtaa hai
ik javaan peD huun tanhaai se Dar lagtaa hai
ghar ki taqsim vasiyyat ke mutaabiq hogi
phir bhi kyon mujh ko sage bhaai se Dar lagtaa hai …

ishq ahd-e-bevafaa mein be-navaa ho jaaegaa
aankh istanbul siina qartaba ho jaaegaa
raat lambi hai to baaham guftugu karte raho
baat chal nikli to bahuton kaa bhalaa ho jaaegaa …

vo kyaa samjhe nazar jis ki faqat sud-o-ziyaan tak hai
ki ye saudaa mohabbat kaa hisaab-e-dostaan tak hai
mire naqd-o-nazar tak hai mire husn-e-bayaan tak hai
tumhaari daastaan mein rang meri daastaan tak hai …

kis tarah yaaron ne poshida khazaane DhunDe
phir yahi zakhm-e-darun kaun na jaane DhunDe
ham jo guzre hain kharaabe se to hairat ye hai
jitne DhunDe hain mohabbat ke fasaane DhunDe …

dhuup thi saaebaan thaa hi nahin
meraa koi makaan thaa hi nahin
main jahaan jaa ke lauT aayaa huun
us ke aage jahaan thaa hi nahin …

charvaahaa bheDon ko le kar ghar ghar aaya raat hui
tu panchhi dil teraa pinjraa pinjre mein jaa raat hui
koi hamein haathon pe uThaa kar bistar mein rakh detaa hai
duniyaa vaale ye kahte hain suraj Duubaa raat hui …

shaam-o-sahar yuun chupke chupke ronaa kyaa
kisi ki khaatir itnaa paagal honaa kyaa
hosh ganvaa dete hain tum se mil kar log
kar dete ho tum bhi jaadu-Tonaa kyaa …

vus'at-e-sahraa ke aage aasmaan chhoTaa lagaa
dhuup aisi thi ki sar ko saaebaan chhoTaa lagaa
log khush-fahmi ke panjon par khaDe the fitratan
aur yuun qad meraa un ke darmiyaan chhoTaa lagaa …

subh chale to zauq-e-talab thaa arsh-nishaan khurshid-shikaar
manzil-e-shaam aai to ham hain aur shikaston ke ambaar
dil ki naadaani to dekho kyaa kyaa armaan rakhtaa hai
jaise davaam kaa aaina ho lamhon ki girti divaar …

kahiye achchhaa jo kisi se to buraa lagtaa hai
kalma-e-khair namak-paash zaraa lagtaa hai
main nahin jaantaa koi yahaan kyaa lagtaa hai
jaane kyon shahr tiraa shahr miraa lagtaa hai …

shabaab aayaa kisi but par fidaa hone kaa vaqt aayaa
miri duniyaa mein bande ke khudaa hone kaa vaqt aayaa
unhein dekhaa to zaahid ne kahaa imaan ki ye hai
ki ab insaan ko sajda ravaa hone kaa vaqt aayaa …

saahab ke harza-pan se har ek ko gila hai
main jo nibaahtaa huun meraa hai hausla hai
chaudah ye khaanvaade hain chaar pir-tan mein
chishtiyya sab se achchhe ye zor silsila hai …