kuchh khud mein kashish paidaa kar lo ki mahfil tum se aankh bhare — Afeef Siraj

is qadar naaz na kiije ki buzurgon ne bahut
baarhaa bazm-e-khud-aaraai sajaai hui hai

rah gayaa dard dil ke pahlu mein
ye jo ulfat thi dard-e-sar na hui

kaisi hain aazmaaishein kaisaa ye imtihaan hai
mere junun ke vaaste hijr ki ek raat bas

is qadar Duube gunaah-e-ishq mein tere habib
sochte hain jaaeinge kis munh se tauba ki taraf

shukriyaa tum ne bujhaayaa miri hasti kaa charaagh
tum sazaa-vaar nahin tum ne to achchhaai ki

sahraa mein base sab divaane shahron mein bhi mahshar hai barpaa
allaah tiri is khilqat se baaqi na rahaa viraana tak

jab ki pahlu se yaar uThtaa hai
dard be-ikhtiyaar uThtaa hai

nuqsaan ho rahaa hai bahut kaarobaar mein
abbaa paDe hain jab se paDosan ke pyaar mein

achchhi-khaasi dosti thi yaar ham donon ke biich
ek din phir us ne izhaar-e-mohabbat kar diyaa

chaahiye hai mujhe inkaar-e-mohabbat mire dost
lekin is mein tiraa inkaar nahin chaahiye hai

yaaron ke ikhlaas se pahle dil kaa mire ye haal na thaa
ab vo chaknaachur paDaa hai jis shishe mein baal na thaa

jis kaa Dar thaa vahi huaa yaaro
vo faqat ham se hi khafaa niklaa