dilon ke baab mein kyaa dakhl 'aaftaab-husain' — Aftab Hussain

ye soch kar bhi to us se nibaah ho na sakaa
kisi se ho bhi sakaa hai miraa guzaara kahin

apne hi dam se charaaghaan hai vagarna 'aaftaab'
ik sitaara bhi miri viraan shaamon mein nahin

kyaa khabar mere hi siine mein paDi soti ho
bhaagtaa phirtaa huun jis rog-bhari raat se main

kin manzaron mein mujh ko mahaknaa thaa 'aaftaab'
kis regzaar par huun main aa kar khilaa huaa

kab tak saath nibhaataa aakhir
vo bhi duniyaa mein rahtaa hai

dil-e-muztar vafaa ke baab mein ye jald-baazi kyaa
zaraa ruk jaaein aur dekhein natija kyaa nikaltaa hai

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein