mazhabi bahs main ne ki hi nahin — Akbar Allahabadi

khincho na kamaanon ko na talvaar nikaalo
jab top muqaabil ho to akhbaar nikaalo

log kahte hain badaltaa hai zamaana sab ko
mard vo hain jo zamaane ko badal dete hain

ham aisi kul kitaabein qaabil-e-zabti samajhte hain
ki jin ko paDh ke laDke baap ko khabti samajhte hain

shaikh apni rag ko kyaa karein reshe ko kyaa karein
mazhab ke jhagDe chhoDein to peshe ko kyaa karein

jis taraf uTh gai hain aahein hain
chashm-e-bad-dur kyaa nigaahein hain

hayaa se sar jhukaa lenaa adaa se muskuraa denaa
hasinon ko bhi kitnaa sahl hai bijli giraa denaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

hamaari aql-e-be-tadbir par tadbir hansti hai
agar tadbir ham karte hain to taqdir hansti hai

phir vahi johd-e-musalsal phir vahi fikr-e-maaash
manzil-e-jaanaan se koi kaamyaab aayaa to kyaa

pataa nahin ye tamannaa-e-qurb kab jaagi
mujhe to sirf use sochne ki aadat thi

main kisi dusre pahlu se use kyuun sochun
yuun bhi achchhaa hai vo jaisaa nazar aataa hai mujhe