ham pahaaDon ko raund aae the — Akhtar Jamal

jalti hui cigarette bujhaai nahin main ne
jiine ke liye aur sahaaraa bhi nahin thaa

jis ko dekhaa hi nahin aankhon ne
us ki tasvir banaa dete hain

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

husn-e-aaraasta qudrat kaa atiyya hai magar
kyaa miraa ishq-e-jigar-soz khudaa-daad nahin

tah mein dariyaa-e-mohabbat ke thi kyaa chiiz 'aziz'
jo koi Duub gayaa us ko ubharne na diyaa

agarche roz miraa sabr aazmaataa hai
magar ye dariyaa mujhe tairnaa sikhaataa hai

ravaan hai qaafila-e-ruh-e-iltifaat abhi
hamaari raah se haT jaae kaaenaat abhi

chaDhe hue hain jo dariyaa utar bhi jaaeinge
mire baghair tire din guzar bhi jaaeinge