qalandari miri puchho ho dostaan-e-junun — Shahab Jafri

paanv jab simTe to raste bhi hue takiya-nashin
boriyaa jab tah kiyaa duniyaa uThaa kar le gae

tu idhar udhar ki na baat kar ye bataa ki qaafile kyuun luTe
tiri rahbari kaa savaal hai hamein raahzan se gharaz nahin

chale to paanv ke niche kuchal gai koi shai
nashe ki jhonk mein dekhaa nahin ki duniyaa hai

jab ki pahlu se yaar uThtaa hai
dard be-ikhtiyaar uThtaa hai

kabhi jo yaar ko dekhaa to khvaab mein dekhaa
miri muraad bhi aai to mustaaar aai

tum samundar ki rifaaqat pe bharosa na karo
tishnagi lab pe sajaae hue mar jaaoge

yaar main itnaa bhukaa huun
dhokaa bhi khaa letaa huun

Thukraao ab ki pyaar karo main nashe mein huun
jo chaaho mere yaar karo main nashe mein huun

visaal-e-yaar ki khvaahish mein aksar
charaagh-e-shaam se pahle jalaa huun