matruk raaston pe palaT aane kaa khayaal — Ali Haider

office ki faailon mein tiri zulf kaa khayaal
dil apne kaam se hai dimaagh apne kaam se

main use dafnaa to aayaa huun magar royaa nahin
farz puuraa kar diyaa par zimmedaari rah gai

vo baDi taab baDe hauslon vaalaa laDkaa
jab tiri yaad se laDtaa hai to ro detaa hai

milti hai zindagi to yahi puchhti hai bas
vo khud-kushi kaa khvaab jo dekhaa thaa kyaa huaa

rone vaale kahaan ye samjheinge
ro na paane mein masala kyaa hai

dalil di gai kahin nizaam se kiyaa gayaa
hamaaraa faisla hamaare naam se kiyaa gayaa

jab ki pahlu se yaar uThtaa hai
dard be-ikhtiyaar uThtaa hai

rahte the kabhi jin ke dil mein ham jaan se bhi pyaaron ki tarah
baiThe hain unhin ke kuche mein ham aaj gunahgaaron ki tarah

ab kaargah-e-dahr mein lagtaa hai bahut dil
ai dost kahin ye bhi tiraa gham to nahin hai

haT ke ru-e-yaar se tazin-e-aalam kar gaiin
vo nigaahein jin ko ab tak raaegaan samjhaa thaa main

baDaa hi farq hai ai yaar ham donon ke jazbon mein
tumhein mujh se mohabbat thi mujhe tum se mohabbat hai

pyaar ki baatein kijiye saahab
lutf sohbat kaa guftugu se hai