dard aisaa diyaa ehsaas-e-vafaa ne ham ko — Amanullah Khalid

vaqt ki tez havaaon ne ajab moD liyaa
phuul se haath jo the un mein bhi patthar nikle

— Amanullah Khalid

un ki tamannaa meri koshish baaham vaade aur qasmein
kuchh meri taqdir ke sadqe baaqi sab haalaat ke naam

— Amanullah Khalid

kitaab ziist mein baab-e-alam bhi ho mahfuz
siyaah-raat kaa manzar sahar mein rakkhaa jaae

— Amanullah Khalid

jise bhi dekho vahi ajnabi saa lagtaa hai
tumhaare shahr mein koi bhi aashnaa na milaa

— Amanullah Khalid

main hi thaa ik aankh na bhaaon vo to ab bhi yaar hain tere
jin logon ne teraa charchaa baazaaron mein aam kiyaa

— Amanullah Khalid

har dar pe ik baang lagaavein bhalaa karo bas bhalaa karo
ek hi shikva ek hi naala subh kiyaa aur shaam kiyaa

— Amanullah Khalid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi