har dar pe ik baang lagaavein bhalaa karo bas bhalaa karo — Amanullah Khalid

vaqt ki tez havaaon ne ajab moD liyaa
phuul se haath jo the un mein bhi patthar nikle

un ki tamannaa meri koshish baaham vaade aur qasmein
kuchh meri taqdir ke sadqe baaqi sab haalaat ke naam

kitaab ziist mein baab-e-alam bhi ho mahfuz
siyaah-raat kaa manzar sahar mein rakkhaa jaae

dard aisaa diyaa ehsaas-e-vafaa ne ham ko
na davaa ne hi shifaa di na duaa ne ham ko

jise bhi dekho vahi ajnabi saa lagtaa hai
tumhaare shahr mein koi bhi aashnaa na milaa

main hi thaa ik aankh na bhaaon vo to ab bhi yaar hain tere
jin logon ne teraa charchaa baazaaron mein aam kiyaa

hai mire pahlu mein aur mujh ko nazar aataa nahin
us pari kaa sehr yaaro kuchh kahaa jaataa nahin

raat aakhir hai yahaan aayaa nazar aasaar-e-subh
shama ki phiki hai lau honTon ki hai laali hai udaas

ai shab-e-gham mire muqaddar ki
tere daaman mein ik sahar hoti

kitni tavil kyuun na ho baatil ki zindagi
har raat kaa hai subh muqaddar na bhulnaa

aae hain log raat ki dahliz phaand kar
un ke liye naved-e-sahar honi chaahiye

kisi ne Dubti subhon taDapti shaamon ko
ghazal ke jaam mein shab kaa khumaar bhejaa hai