dimaagh-o-dil ki thakaan vaalaa — Amardeep Singh

vo saaf-go hai magar baat kaa hunar sikhe
badan hasin hai to kyaa be-libaas aaegaa

be-fikr raho yaaro main aaj bhi huun barbaad
din phir gae hain mere afvaah uDi hogi

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

khushnumaa daaere bante hi chale jaate hain
dil ke taalaab mein pheinkaa hai ye kankar kis ne