un aankhon mein Daal kar jab aankhein us raat — Ameeq Hanafi

vo jab mujh ko dekh rahi thi main ne us ko dekh liyaa thaa
bas itni si baat thi lekin baDhte baDhte kitni baDhi hai

ek usi ko dekh na paae varna shahr ki saDkon par
achchhi achchhi poshaakein hain achchhi surat vaale hain

dil mein dukh aankhon mein nami aasmaan par ghaTaaein
andar baahar is or us or har or baadal

phuul khile hain likhaa huaa hai toDo mat
aur machal kar ji kahtaa hai chhoDo mat

donon kaa milnaa mushkil hai donon hain majbur bahut
us ke paanv mein mehndi lagi hai mere paanv mein chhaale hain

cigarette jise sulagtaa huaa koi chhoD de
us kaa dhuaan huun aur pareshaan dhuaan huun main

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

kahin kahin koi taara kahin kahin jugnu
jo meri raat thi vo aap kaa saveraa hai

an-kahi an-suni si kuchh baatein
suune din aur ye sunsaan raatein

raat us bazm mein tasvir ke maanind the ham
ham se puchhe to koi shama kaa jalnaa kyaa thaa