dil mein dukh aankhon mein nami aasmaan par ghaTaaein — Ameeq Hanafi

vo jab mujh ko dekh rahi thi main ne us ko dekh liyaa thaa
bas itni si baat thi lekin baDhte baDhte kitni baDhi hai

ek usi ko dekh na paae varna shahr ki saDkon par
achchhi achchhi poshaakein hain achchhi surat vaale hain

phuul khile hain likhaa huaa hai toDo mat
aur machal kar ji kahtaa hai chhoDo mat

donon kaa milnaa mushkil hai donon hain majbur bahut
us ke paanv mein mehndi lagi hai mere paanv mein chhaale hain

ishq ke hijje bhi jo na jaanein vo hain ishq ke daavedaar
jaise ghazlein raT kar gaate hain bachche schōl mein

cigarette jise sulagtaa huaa koi chhoD de
us kaa dhuaan huun aur pareshaan dhuaan huun main

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jafaa se unhon ne diyaa dil pe daagh
mukammal vafaa ki sanad ho gai

nigaah-e-yaar mil jaati to ham shaagird ho jaate
zaraa ye siikh lete dil ke le lene kaa Dhab kyaa hai

masihaa jaa rahaa hai dauD kar aavaaz do 'muztar'
ki dil ko dekhtaa jaa jis mein chhaale paDte jaate hain

nae kapDe badal kar jaaun kahaan aur baal banaaun kis ke liye
vo shakhs to shahr hi chhoD gayaa main baahar jaaun kis ke liye