baad marne ke bhi chhoDi na rifaaqat meri — Ameer Minai

kaun si jaa hai jahaan jalva-e-maashuq nahin
shauq-e-didaar agar hai to nazar paidaa kar

aafat to hai vo naaz bhi andaaz bhi lekin
martaa huun main jis par vo adaa aur hi kuchh hai

maani hain main ne saikaDon baatein tamaam umr
aaj aap ek baat miri maan jaaiye

vo dushmani se dekhte hain dekhte to hain
main shaad huun ki huun to kisi ki nigaah mein

khudaa ne nek surat di to sikho nek baatein bhi
bure hote ho achchhe ho ke ye kyaa bad-zabaani hai

tum ko aataa hai pyaar par ghussa
mujh ko ghusse pe pyaar aataa hai

jab ki pahlu se yaar uThtaa hai
dard be-ikhtiyaar uThtaa hai

tiraa visaal baDi chiiz hai magar ai dost
visaal ko miri duniyaa-e-aarzu na banaa

har mulaaqaat pe siine se lagaane vaale
kitne pyaare hain mujhe chhoD ke jaane vaale

toD kar aaj ghalat-fahmi ki divaaron ko
dosto apne ta'alluq ko sanvaaraa jaae

yaar kaa kucha hai masjud-e-khalaaiq dekh le
sang hai kaabe mein murat dair mein hai mushtarak

na koi dost na hamdam na aashnaa na habib
usi se khauf ziyaada jo hai ziyaada qarib