taraf-e-kaaba na jaa haj ke liye naadaan hai — Ameer Minai

kaun si jaa hai jahaan jalva-e-maashuq nahin
shauq-e-didaar agar hai to nazar paidaa kar

aafat to hai vo naaz bhi andaaz bhi lekin
martaa huun main jis par vo adaa aur hi kuchh hai

maani hain main ne saikaDon baatein tamaam umr
aaj aap ek baat miri maan jaaiye

vo dushmani se dekhte hain dekhte to hain
main shaad huun ki huun to kisi ki nigaah mein

khudaa ne nek surat di to sikho nek baatein bhi
bure hote ho achchhe ho ke ye kyaa bad-zabaani hai

tum ko aataa hai pyaar par ghussa
mujh ko ghusse pe pyaar aataa hai

jab ki pahlu se yaar uThtaa hai
dard be-ikhtiyaar uThtaa hai

na dastakein na sadaa kaun dar pe aayaa hai
faqir-e-shahr hai yaa shahryaar dekhiyegaa

pyaar apni jagah par ek shikaayat hai mujhe
tum ne aane mein bahut der ki aane vaale

judaai kyuun dilon ko aur bhi nazdik laati hai
bichhaD kar kyuun ziyaada pyaar kaa ehsaas hotaa hai

kitne yaar hain phir bhi 'munir' is aabaadi mein akelaa hai
apne hi gham ke nashshe se apnaa ji bahlaataa hai

baat aati hai doston ki jab
mujh ko dushman 'aziz lagte hain