duriyaan simaTne mein der kuchh to lagti hai — Amjad Islam Amjad

kamaal-e-husn hai husn-e-kamaal se baahar
azal kaa rang hai jaise misaal se baahar

tiir aayaa thaa jidhar ye mire shahr ke log
kitne saadaa hain ki marham bhi vahin dekhte hain

vo saamne hai phir bhi dikhaai na de sake
mere aur us ke beach ye divaar kaun hai

jis taraf tu hai udhar hongi sabhi ki nazrein
iid ke chaand kaa didaar bahaana hi sahi

tumhi ne kaun si achchhaai ki hai
chalo maanaa ki main achchhaa nahin thaa

be-samar peDon ko chumeinge sabaa ke sabz lab
dekh lenaa ye khizaan be-dast-o-paa rah jaaegi

shab-e-firaaq ki tanhaaiyon mein teraa khayaal
mire vajud se kartaa rahaa judaa mujh ko

jo ahl-e-dil hain alag hain vo ahl-e-zaahir se
na main huun shaikh ki jaanib na barhaman ki taraf

saare manzar hasin lagte hain
duriyaan kam na hon to behtar hai

yahaan pe hansnaa ravaa hai ronaa hai be-hayaai
suqut-e-shahr-e-junun kaa maatam zaraa alag hai

hazaar rang mein mumkin hai dard kaa izhaar
tire firaaq mein marnaa hi kyaa zaruri hai

qalam mein zor jitnaa hai judaai ki badaulat hai
milan ke baa'd likhne vaale likhnaa chhoD dete hain