tumhi ne kaun si achchhaai ki hai — Amjad Islam Amjad

kamaal-e-husn hai husn-e-kamaal se baahar
azal kaa rang hai jaise misaal se baahar

tiir aayaa thaa jidhar ye mire shahr ke log
kitne saadaa hain ki marham bhi vahin dekhte hain

vo saamne hai phir bhi dikhaai na de sake
mere aur us ke beach ye divaar kaun hai

jis taraf tu hai udhar hongi sabhi ki nazrein
iid ke chaand kaa didaar bahaana hi sahi

dard kaa rasta hai yaa hai saaat-e-roz-e-hisaab
saikaDon logon ko rokaa ek bhi Thahraa nahin

be-samar peDon ko chumeinge sabaa ke sabz lab
dekh lenaa ye khizaan be-dast-o-paa rah jaaegi

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

dost ahbaab se lene na sahaare jaanaa
dil jo ghabraae samundar ke kinaare jaanaa

miri chaahaton mein ghurur ho dil-e-naa-tavaan mein surur ho
tumhein ab ke khaanaa hai vo qasam ki fareb mein bhi yaqin ho

use ye zid thi ki phir us kaa tazkira hotaa
main chup rahaa ki vo qissa puraanaa ho gayaa thaa