dekh kar tujh ko aaj barsi hain — Amn Iqbal

tere bas mein hai mo'tabar kar de
main huun qatra mujhe guhar kar de

dekhtaa roz hai vo mujh ko magar jaane kyon
chaand se apni koi baat nahin hoti hai

du'aa karo ki koi raah vasl ki nikle
tamaam 'umr muhaajir nahin raheinge ham

hijr kaa zakhm to ik pal mein bhi bhar saktaa hai
vo agar chaahein muqaddar bhi sanvar saktaa hai

log husn-o-adaa ke qaidi hain
aur ham rekhta ke qaidi hain

dil pe koi malaal kyaa karnaa
chizein hoti hain TuTne ke liye