du'aa karo ki koi raah vasl ki nikle — Amn Iqbal

tere bas mein hai mo'tabar kar de
main huun qatra mujhe guhar kar de

dekhtaa roz hai vo mujh ko magar jaane kyon
chaand se apni koi baat nahin hoti hai

hijr kaa zakhm to ik pal mein bhi bhar saktaa hai
vo agar chaahein muqaddar bhi sanvar saktaa hai

log husn-o-adaa ke qaidi hain
aur ham rekhta ke qaidi hain

dekh kar tujh ko aaj barsi hain
ek muddat se khushk thiin aankhein

dil pe koi malaal kyaa karnaa
chizein hoti hain TuTne ke liye

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kisi ko ghar se nikalte hi mil gai manzil
koi hamaari tarah umr bhar safar mein rahaa

zindagi ham se tiri aankh-micholi kab tak
ik na ik roz kisi moD pe aa leinge tujhe