dil pe koi malaal kyaa karnaa — Amn Iqbal

tere bas mein hai mo'tabar kar de
main huun qatra mujhe guhar kar de

dekhtaa roz hai vo mujh ko magar jaane kyon
chaand se apni koi baat nahin hoti hai

du'aa karo ki koi raah vasl ki nikle
tamaam 'umr muhaajir nahin raheinge ham

hijr kaa zakhm to ik pal mein bhi bhar saktaa hai
vo agar chaahein muqaddar bhi sanvar saktaa hai

log husn-o-adaa ke qaidi hain
aur ham rekhta ke qaidi hain

dekh kar tujh ko aaj barsi hain
ek muddat se khushk thiin aankhein

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

phir mujhe dida-e-tar yaad aayaa
dil jigar tishna-e-fariyaad aayaa

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

'saif' andaaz-e-bayaan rang badal detaa hai
varna duniyaa mein koi baat nai baat nahin