chamak uThe hain thapeDon ki choT se qatre — Anjum Ansari

har ek moD se puchhaa hai manzilon kaa pata
safar tamaam huaa rahbar nahin aae

kitne hi daaeron mein baTaa markaz-e-khayaal
ik but ke ham ne saikaDon paikar banaa diye

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

vahi be-vajh udaasi vahi be-naam khalish
raah-o-rasm-e-dil-e-naakaam se ji Dartaa hai

'bedi' mariz dil kaa huun aur dard kaa safir
mar jaaungaa na us ne agar dekh-bhaal ki