'bedi' mariz dil kaa huun aur dard kaa safir — Javed Akhtar Bedi

kuchh yuun fanaa huaa huun mohabbat ki aag mein
duniyaa ko de chalaa huun kahaani malaal ki

vo aadmi jo kisi par sitam na dekh sake
mujhe vo dekhne vaalaa dikhaai detaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

vaqt ik zarb lagaae to ghazal hoti hai
dard agar dil mein samaae to ghazal hoti hai

ek majzub udaasi mere andar gum hai
is samundar mein koi aur samundar gum hai

baat to jab hai ki jazbon se sadaaqat phuTe
yuun to daavaa hai har ik shakhs ko sachchaai kaa