ye dil kaa karb labon tak kabhi na aaegaa — Anwar Feroz

jo vaalid kaa buDhaape mein sahaaraa ban nahin saktaa
jo sach puchho to ho lakht-e-jigar achchhaa nahin lagtaa

log to yunhi kahaa karte hain
log kahte hain to kahne diije

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

chaand ne taan li hai chaadar-e-abr
ab vo kapDe badal rahi hogi

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein